IPL 2022ની 10મી મેચમાં દિલ્હી કેપિટલ્સનો સામનો ગુજરાત ટાઇટન્સ સામે થયો હતો. આ મેચમાં ગુજરાતનો 14 રને વિજય થયો હતો. પ્રથમ બેટિંગ કરતા ગુજરાતે દિલ્હી સામે 172 રનનો ટાર્ગેટ આપ્યો હતો. પરંતુ દિલ્હીની ટીમ 20 ઓવરમાં 9 વિકેટ ગુમાવીને 157 રન જ બનાવી શકી હતી. દિલ્હી કેપિટલ્સનો કેપ્ટન ઋષભ પંત આ હારથી ઘણો નારાજ છે અને તેણે હાર માટે પોતાની જ ટીમના કેટલાક ખેલાડીઓને જવાબદાર ઠેરવ્યા છે.
દિલ્હી કેપિટલ્સના કપ્તાન ઋષભ પંતે શનિવારે ઈન્ડિયન પ્રીમિયર લીગમાં ગુજરાત ટાઇટન્સ સામે 14 રનથી મળેલી હાર માટે બેટ્સમેનોને જવાબદાર ઠેરવતા કહ્યું હતું કે પિચને ધ્યાનમાં રાખીને લક્ષ્ય હાંસલ કરી શકાયું હોત. ટાઇટન્સના 172 રનના લક્ષ્યાંકનો પીછો કરવા ઉતરેલી દિલ્હીની ટીમ ફર્ગ્યુસન (28 રનમાં 4 વિકેટ) અને મોહમ્મદ શમી (30 રનમાં 2 વિકેટ)ની તીક્ષ્ણ બોલિંગ સામે 9 વિકેટે 157 રન જ બનાવી શકી હતી. દિલ્હી તરફથી પંતે 43 રન બનાવ્યા હતા.
અગાઉ ટાઇટન્સે ગીલના 46 બોલમાં 4 છગ્ગા અને 6 ચોગ્ગાની મદદથી 84 રનમાં છ વિકેટે 171 રન બનાવ્યા હતા. મુસ્તાફિઝુર રહેમાન (23 રનમાં 3 વિકેટ) અને ખલીલ અહેમદે (34 રનમાં 2 વિકેટ) જો કે અંતિમ ઓવરોમાં ગુજરાતની ટીમને ઝડપથી રન બનાવવા દીધા ન હતા.
પંતે સ્વીકાર્યું કે આ લક્ષ્ય હાંસલ કરવું જોઈતું હતું. પંતે મેચ બાદ કહ્યું, ‘વિકેટને ધ્યાનમાં રાખીને સ્કોર એટલો મોટો ન હતો. અમે વધુ સારી બેટિંગ કરી શક્યા હોત, ખાસ કરીને મધ્ય ઓવરોમાં. આટલી વિકેટો ગુમાવ્યા બાદ મેચમાં વાપસી કરવી મુશ્કેલ હોય છે.’ તેણે કહ્યું, જ્યરે તમારી ટીમ હારે છે તો દિલ તૂટી જાય છે પણ અમે આગામી મેચમાં સારું કરીશું.’
ગુજરાતની સતત બીજી જીત
ગુજરાતની ટીમનો આ સતત બીજો વિજય છે. આ મેચમાં ગુજરાતે 172 રન બનાવ્યા હતા. ગુજરાત માટે ઓપનર શુભમન ગિલે 46 બોલમાં 84 રનની શાનદાર ઇનિંગ રમી હતી. તે જ સમયે કેપ્ટન હાર્દિક પંડ્યાના બેટથી 31 રન આવ્યા હતા. જવાબમાં દિલ્હીની ટીમ 13 રનથી પાછળ રહી ગઈ હતી. દિલ્હી તરફથી એકમાત્ર કેપ્ટન ઋષભ પંતે 43 રન બનાવ્યા હતા. અન્ય કોઈ બેટ્સમેન સારુ પ્રદર્શન કરી શક્યા ન હતા. બીજી તરફ ગુજરાત તરફથી લોકી ફર્ગ્યુસને 4 અને મોહમ્મદ શમીએ બે વિકેટ ઝડપી હતી.