એક્ટર સલમાન ખાન 56 વર્ષની ઉંમરે પણ બેચલર છે, તેનું નામ ઘણી સુંદરીઓ સાથે જોડાઈ ચૂક્યું છે પરંતુ ઘર હજી વસ્યું નથી. ફરી એકવાર સલમાન ખાનનું નામ એક હસીના સાથે જોડાયું છે અને તે પણ એક વાયરલ વીડિયોને કારણે, જેમાં તેની જોડી એક અભિનેત્રી સાથે જોવા મળી રહી છે.
સલમાનનો વીડિયો
બોલીવૂડ સુપરસ્ટાર સલમાન ખાનનો બાળકો પ્રત્યેનો પ્રેમ બધાએ જોયો છે. કોઈ પણ મોકો હોય, જો સલમાન ખાનની આસપાસ બાળકો હોય, તો પછી તેનું ધ્યાન બીજા કોઈ પર ન જઈ શકે. આવી જ ઘટના તાજેતરમાં એક ઈવેન્ટ દરમિયાન બની હતી. ખરેખરમાં સલમાન ખાન બોલિવૂડ એક્ટ્રેસ જેકલીન ફર્નાન્ડીઝ સાથે એક ઈવેન્ટમાં ભાગ લેવા આવ્યો હતો. આ ઈવેન્ટમાં બાળકો પણ હતા અને સલમાન ખાન વારાફરતી દરેક બાળકોને મળ્યો હતો. આ ઘટનાનો એક વીડિયો સોશિયલ મીડિયા પર જોરદાર વાયરલ થઈ રહ્યો છે. આ વીડિયો સામે આવ્યા બાદ ફેન્સ ફરી એકવાર સલમાન ખાનના લગ્નની ચર્ચા કરવા લાગ્યા છે.
View this post on Instagram
સલમાન ખાનનો આ વીડિયો લોકો સોશિયલ મીડિયા પર વારંવાર જોઈ રહ્યા છે. વીડિયોમાં જે રીતે સલમાન ખાન અને બાળકોનું બોન્ડિંગ જોવા મળી રહ્યું છે તે જોઈને લોકોએ સલમાન ખાનને ફરીથી લગ્નની સલાહ આપવાનું શરૂ કરી દીધું છે. વીડિયો પર એક યુઝરે કોમેન્ટ કરી છે કે, ‘સલમાન ભાઈ, હવે તમે લગ્ન કરી લો.’ અન્ય યુઝરે કોમેન્ટ કરી છે કે, ‘ભાઈજાન, તમે ક્યારે લગ્ન કરશો?’ સલમાન ખાનની એક મહિલા પ્રશંસકે લખ્યું છે કે, ‘હવે તમારું ઘર વસી જાય પછી બધુ સારુ જ થશે.
સલમાનની ફિલ્મો
વર્કફ્રન્ટની વાત કરીએ તો, સલમાન ખાન ભૂતકાળમાં તેની નવી ફિલ્મ ‘ટાઈગર 3’ના શૂટિંગમાં વ્યસ્ત હતો. આ ફિલ્મ દ્વારા તે ફરી એકવાર કેટરિના કૈફ સાથે સ્ક્રીન શેર કરતી જોવા મળશે. બોલિવૂડ એક્ટર ઈમરાન હાશ્મી આ ફિલ્મમાં વિલનની ભૂમિકા ભજવશે. આ સિવાય સલમાન ખાનની બહુપ્રતિક્ષિત ફિલ્મ ‘કભી ઈદ કભી દિવાળી’ને લઈને પણ ઘણી ચર્ચા થઈ રહી છે.