કન્નડ ઇન્ડસ્ટ્રીને લઈને દુઃખદ સમાચાર સામે આવ્યા છે. કન્નડના પ્રખ્યાત કલાકાર પુનીત રાજકુમારનું હાર્ટએટેકના કારણે નિધન થઈ ગયું છે. અભિનેતા પુનીત કુમાર ૪૬ વર્ષની ઉમરે દુનિયાને અલવિદા કહી ચાલ્યા ગયા છે. જેના કારણે કન્નડ ઇન્ડસ્ટ્રીની સાથે તેમના ચાહકોમાં શોકનો માહોલ છવાઈ ગયો છે.
ઉલ્લેખનીય છે કે, કન્નડના પ્રખ્યાત કલાકાર પુનીત રાજકુમારને આજે સવારના બેંગ્લોરના વિક્રમ હોસ્પિટલમાં તબિયત ખરાબ થયા બાદ લઇ જવામાં આવ્યા હતા. પુનીત રાજકુમારના હોસ્પિટલના જવાના સમાચાર જેવા જ સામે આવ્યા ઇન્ડસ્ટ્રીમાં હંગામો થઈ ગયો હતો. અભિનેતાને ઇંટેસિવ કેર યુનિટમાં દાખલ કરવામાં આવ્યા હતા.
ત્યાર બાદ કર્ણાટકના મુખ્યમંત્રી વસવરાજ બોમ્મઈએ પણ અભિનેતાની તબિયત પછી પૂછ્યું હતું. ડોકટરોની સંપૂર્ણ ટીમ તેમની દેખરેખમાં હતી પરંતુ તેમને બચાવી શકી નહોતી. થોડા કલાકો બાદ બપોરના ૪૬ પુનીતનું અવસાન થઈ ગયું છે.
પુનીત રાજકુમાર પ્રખ્યાત અભિનેતા રાજકુમારનો પુત્ર છે. તેમણે પોતાની કારકિર્દીની શરૂઆત બાળ કલાકાર તરીકે કરી હતી. 1985 માં તેમણે બેસ્ટ ચાઈલ્ડ આર્ટીસ્ટનો નેશનલ ફિલ્મ એવોર્ડ જીત્યો હતો. તેણે લગભગ 30 કન્નડ ફિલ્મોમાં કામ કર્યું છે. જેમાં ઘણી ફિલ્મો સુપરહિટ રહી હતી. તેની છેલ્લી ફિલ્મ યુવારથના આ વર્ષે આવી હતી. પુનીત તેના ચાહકોમાં પાવર સ્ટાર અને અપ્પુના નામથી પ્રખ્યાત હતા.