સુરતના કાપોદ્રામાં મોડી રાત્રીના દિલીપ ઉર્ફે દીપક ની લાકડાના ફટકા અને તીક્ષ્ણ હથિયાર વડે હુમલો કરી હત્યા કરવાની ઘટના સામે આવી હતી. આ ઘટનાના સંદર્ભમાં સંદર્ભે પોલીસ દ્વારા તપાસ શરૂ કરવામાં આવી છે. પ્રાથમિક માહિતી મુજબ, માથાભારે પ્રકૃતિ ધરાવનાર દિલીપ બુધવારની રાત્રીના 10:30ના સમયગાળા દરમિયાન કાપોદ્રા સ્નેહમુદ્રા સોસાયટી પાસે આવેલા સુરત મહાનગરપાલિકાના પાર્કિંગ પાસે મિત્રો સાથે બેઠેલો હતો ત્યારે જ અંદાજે પાંચેક જેટલા અજાણ્યા વ્યક્તિઓ દ્વારા તેના પર લાકડાના ફટકા અને તીક્ષ્ણ હથિયાર વડે હુમલો કરવામાં દિલીપ ઘટના સ્થળ પર જ પડી ગયો હતો.
બનાવની જાણકારી મળતા જ સ્થાનિક યુવાનો દ્વારા દિલીપ ને સારવાર માટે કિરણ હોસ્પિટલમાં લઈ જવામાં આવ્યા હતા. તેમ છતાં સારવાર મળે તે પહેલા જ દિલીપ નું મોત થઈ ગયું હતું. બનાવની જાણકારી મળતા જ કાપોદ્રા પીઆઇ સહિત પોલીસનો કાફલો ઘટનાસ્થળે પહોંચી આવ્યો હતો અને તપાસ શરૂ કરી દેવામાં આવી હતી. પ્રાથમિક માહિતી મુજબ, દિલીપ માથાભારે પ્રકૃતિનો હતો અનેક જમીનોમાં વિવાદ ઉભા કરીને સમાધાન કરવા સિવાય ખંડણીના પણ અનેક ગુનાઓ તેની સામે નોંધાયેલા હતા.
મૃતક દીપક ઉર્ફે દિલીપના નાના ભાઈ ભાવેશ રઘુભાઈ દ્વારા કહેવામાં આવ્યું છે કે, દિલીપની આ કાયમી બેઠક છે. સાંજના સમયે પાલિકાના શૌચાલયની સામે પાર્કિંગને લઈને વિવાદ ઉભો થયો હતો. દિલીપે મધ્યસ્થી બની સમાધાન પણ કરાવ્યું હતું. ત્યાર બાદ દોઢ કલાક બાદ રઘુ અને એની આણી મંડળીએ અચાનક હુમલો કરી દીધો હતો. દિલીપની સાથે મયૂર, અનિલને પણ માર મારવામાં આવ્યો હતો. દિલીપ પર હુમલો થયા બાદ એના બીજા મિત્રો મુકેશ દારૂવાલા, 2-3 પોલીસવાળા ઘટનાસ્થળેથી દોડી આવ્યા હતા. મૂળ તળાજા ભાવનગરના રહેવાસી દિલીપ ઉર્ફે દીપકને ચાર ભાઈ, એકની એક બહેન અને માતા-પિતા સાથે જીવન પસાર કરતા હતા.
જ્યારે આ દરમિયાન મયૂર અને અનિલ ભાગી જવામાં સફળ રહ્યા હતા. દિલીપ પકડાઈ જતા તેના પર તલવાર, ચપ્પુ અને ફટકા વડે હુમલો કરી માથા, મોઢા અને છાતીના ભાગે ઘા મારવામાં આવ્યા હતા. દિલીપની હત્યા કરાયા બાદ તેના દાગીનામાં 6 વીંટી, 200 ગ્રામની એક ચેન અને બીજી 4 ચેન ગુમ થયેલ છે, ફરિયાદમાં તેને લઈને પણ ઉલ્લેખ કરાયો નથી તે પણ એક સવાલ ઉભો કરે છે. ઘટનાને નજરે જોનારા પાર્કિગવાળો અને દિલીપના બે મિત્રો સાક્ષી રહેલા છે. હુમલાનો માસ્ટર માઈન્ડ રઘુ બુલેટ પર પાછળ અજાણ્યાને લોકોને બેસાડીને આવ્યો હતો. બીજા છકડા સહિતના વાહનમાં ત્યાં આવ્યા હતા. તેની સાથે રઘુને ભાગતા બધાએ જોયો હતો અને છકડાનો PCR વાન દ્વારા ફિલ્મી ઢબે પીછો કરી 3 જણાને ઝડપી પાડવામાં આવ્યા હતા.
જ્યારે 4-5 વર્ષ પહેલાં રચના મરઘા કેન્દ્ર પાસે પોપડાની જમીન પર ગેરકાયદેસર રીતે કબજો કરનાર રઘુનું ઝૂંપડું દીપક ઉર્ફે દિલીપ દ્વારા ખાલી કરાવવામાં આવ્યું હતું. તે દિવસથી બન્ને વચ્ચે અનેક વખત ઝઘડા થયા હતા. આજદિન સુધીમાં 4 થી 5 વાર ઝઘડા થઈ ચૂક્યા છે. લગભગ 3 વર્ષ અગાઉ કિમમાં વિક્કી સોનીની હત્યા કેસમાં રઘુનું નામ ખૂલ્યા બાદ રઘુએ દિલીપને વચ્ચે ન પડવા ફોન પર ચીમકી પણ આપી હતી. જ્યારે રઘુ સામે કાપોદ્રા અને લસકાણા કામરેજ પોલીસ સ્ટેશનમાં અનેક ગુનાઓ દાખલ કરવામાં આવેલ છે.