કર્ણાટકમાં વિદ્યાર્થિનીઓનાં હિજાબ પહેરવાને લઈને ચાલી રહેલો વિવાદ હવે રોજેરોજ નવું સ્વરૂપ લઈ રહ્યો છે. મંગળવારે આવા જ કેટલાક વીડિયો સામે આવ્યા હતા જેમાં વિદ્યાર્થીઓ વચ્ચે પથ્થરમારાની ઘટનાઓ પણ જોવા મળી હતી. આ દરમિયાન સોશિયલ મીડિયા પર વધુ એક વીડિયો વાયરલ થઈ રહ્યો છે જેમાં સ્કૂલ-કોલેજના વિદ્યાર્થીઓનું એક જૂથ સ્કૂટી લઈને એક છોકરીનો વિરોધ કરતા જોવા મળે છે.
વીડિયો સોશિયલ મીડિયા પર આગની જેમ ફેલાઈ રહ્યો છે
સોશિયલ મીડિયા પર આ વીડિયો જોતા જ તે વાયરલ થઈ ગયો છે. વાયરલ વીડિયોમાં કેટલાક લોકો હિજાબ પહેરેલી યુવતીની આસપાસ ધાર્મિક નારા લગાવી રહ્યા છે. યુવતીએ જણાવ્યું કે જે લોકોએ તેને ઘેરી હતી તેમાં કોલેજના લોકો સિવાય બહારના લોકો પણ સામેલ હતા.
શું છે વીડિયોમાં?
એક વિદ્યાર્થીની તેની સ્કૂટી પર કૉલેજ પહોંચે છે. વિદ્યાર્થિનીએ પોતાની સ્કૂટી પાર્ક કરતાની સાથે જ કેસરી ખેસ પહેરેલા કોલેજની વિદ્યાર્થિનીઓ તેને જોઈને ચીસો પાડવા લાગી હતી. આ પોકાર ધીમે ધીમે ‘જય શ્રી રામ’ ના નારાઓમાં ફેરવાઈ જાય છે. જે વિદ્યાર્થીની સાથે આ ઘટના બની તેનું નામ મુસ્કાન જણાવવામાં આવી રહ્યું છે. એ જ કોલેજમાં તેણે B.Comની વિદ્યાર્થીની છે.
A more expanded and clean feed of the above episode. #KarnatakaHijabRow pic.twitter.com/TIieUQJUWN
— Imran Khan (@KeypadGuerilla) February 8, 2022
યુવતીએ લગાવ્યા ‘અલ્લાહ હુ અકબર’ના નારા
મુસ્કાન ધીમે ધીમે તેના ક્લાસ તરફ જતી રહે છે. છોકરાઓને જોઈને તે બે વાર ‘અલ્લાહ હુ અકબર’ બૂમો પાડે છે. દરમિયાન, કોલેજ સ્ટાફ વચ્ચે આવે છે અને તેમને વર્ગ તરફ જવા માટે કહે છે. તે વર્ગ તરફ ચાલે છે અને છોકરાઓનું ટોળું તેની પાછળ આવે છે. કોલેજના શિક્ષકો છોકરાઓને મુસ્કાનને અનુસરતા અટકાવે છે.
યુવતીએ કેમેરા સામે જોઈને પ્રશ્ન પૂછ્યો
જેમાં આ ઘટનાને કવર કરતો કેમેરા મુસ્કાનની સામે આવે છે. કેમેરાને જોઈને મુસ્કાન વધુ ગુસ્સે થઈ જાય છે અને બૂમો પાડે છે, ‘તેઓ મારા બુરખાને કેમ હટાવવા માગે છે, આ લોકોને બુરખા હટાવવાનો અધિકાર કોણે આપ્યો છે.’ આ પછી તે કોલેજ બિલ્ડિંગમાં પ્રવેશે છે.
