આ એક્ટરને જોવા ભીડ બેકાબૂ થઇ ગઇ, મહિલાના ગૂંગળામણને કારણે શો કેન્સલ કરવો પડ્યો
Liger Promotion: વિજય દેવરાકોંડા દક્ષિણ ભારતીય સિનેમામાંથી બોલીવુડમાં પોતાનું નામ રોશન કરવા આવી રહ્યો છે. ટૂંક સમયમાં તેની બોલિવૂડ ડેબ્યુ ફિલ્મ ‘લિગર’ રીલિઝ થવા જઈ રહી છે. આ ફિલ્મમાં અભિનેતા સાથે અનન્યા પાંડે જોવા મળશે. બંને સાથે મળીને આ ફિલ્મનું ખૂબ પ્રમોશન કરી રહ્યા છે. હાલમાં જ વિજય અને અનન્યા પોતાની ફિલ્મના પ્રમોશન માટે એક મોલમાં પહોંચ્યા હતા, પરંતુ ત્યાં પરિસ્થિતિ એટલી બેકાબૂ બની ગઈ હતી કે ભીડને નિયંત્રિત કરવી મુશ્કેલ બની ગઈ હતી. આટલું જ નહીં આ ઘટનામાં એક મહિલાની હાલત વધુ ખરાબ થઈ ગઈ. કંઈપણ અનિચ્છનીય બને તે પહેલા શો તરત જ રદ કરવામાં આવ્યો હતો.
વિજય દેવરાકોંડા અને અનન્યા પાંડે આ દિવસોમાં તેમની આગામી ફિલ્મ ‘લિગર’ના પ્રમોશનમાં વ્યસ્ત છે. રવિવારે સાંજે વિજય અને અનન્યા નવી મુંબઈના સિઝન મોલમાં પહોંચ્યા હતા. બંનેને જોવા માટે મોટી સંખ્યામાં લોકો ઉમટી પડ્યા હતા. બધા વિજયને મળવા માંગતા હતા, ઘણા તો રડવા પણ લાગ્યા. કેટલીક યુવતીઓ વિજયના પોસ્ટરને આઈ લવ યુ વિજય સતત બૂમો પાડતી રહી. પરંતુ આટલી ભીડમાં એક મહિલાની હાલત પણ બગડી હતી. ભીડને કારણે એક મહિલાનો શ્વાસ રૂંધાઈ ગયો. તે ભીડમાંથી કોઈક રીતે મહિલાને બહાર કાઢવામાં આવી અને ત્યાં મહિલાની હાલત ખરાબ થઇ ગઇ હતી. આ કારણોસર પ્રમોશન રદ કરવામાં આવ્યું હતું.
View this post on Instagram
વિજય દેવરકોંડાના ચાહકોની સંખ્યા સતત વધી રહી છે. કરણ જોહરના ચેટ શો ‘કોફી વિથ કરણ’માં આવ્યા બાદ લોકો વિજય વિશે જાણવા માટે વધુ ઉત્સુક બન્યા છે. સારા અલી ખાન અને જ્હાન્વી કપૂરે પણ સ્પષ્ટ કર્યું છે કે તેઓ વિજય પર ક્રશ ધરાવે છે. આટલું જ નહીં અનન્યા પાંડેએ એ પણ ખુલાસો કર્યો કે તે વિજય સાથે લાઇન હિટ કરી રહી હતી, પરંતુ તેણે એક્સપ્રેશન્સ આપ્યા નહોતા.
તમને જણાવી દઈએ કે, વિજય દેવરાકોંડાની રૂમર્ડ ગર્લફ્રેન્ડ રશ્મિકા પણ ટૂંક સમયમાં બોલિવૂડમાં ડેબ્યૂ કરવા જઈ રહી છે. જો કે, કરણ જોહરે પણ અભિનેતાને વિજય અને રશ્મિકા વચ્ચેના સંબંધો વિશે પ્રશ્નો પૂછ્યા છે. આ સવાલના જવાબમાં અભિનેતાએ કહ્યું કે મેં શરૂઆતમાં તેની સાથે બે ફિલ્મો કરી હતી. તમે ફિલ્મો દ્વારા ઘણું બધું શેર કરો છો. રશ્મિકા સુંદર છે. હું તેને પ્રેમ કરુ છુ તે ખરેખર એક સારી મિત્ર છે.