બોલિવૂડમાંથી એક ચોંકાવનારા સમાચાર સામે આવી રહ્યા છે. બી-ટાઉનની સૌથી સુંદર અને પ્રતિભાશાળી અભિનેત્રી મહિમા ચૌધરી બ્રેસ્ટ કેન્સર સામે ઝઝૂમી રહી છે. આ સમાચારે ચાહકોને ચોંકાવી દીધા છે. બ્રેસ્ટ કેન્સર પીડિત મહિમા ચૌધરીનો આખો લુક બદલાઈ ગયો છે. અભિનેત્રીની તસવીર જોઈને તેને ઓળખવી મુશ્કેલ બની રહી છે.
અનુપમ ખેરે મહિમા ચૌધરીને ‘હીરો’ ગણાવી
બોલિવૂડના દિગ્ગજ અભિનેતા અનુપમ ખેરે મહિમા ચૌધરીને સ્તન કેન્સર હોવાના સમાચાર ચાહકો સાથે શેર કર્યા છે. અનુપમ ખેરે મહિમા ચૌધરી સાથેનો પોતાનો એક વીડિયો શેર કર્યો છે, જેમાં તેમણે જણાવ્યું છે કે મહિમા ચૌધરી બ્રેસ્ટ કેન્સર જેવી ગંભીર બીમારી સામે લડી રહી છે. અનુપમ ખેરે મહિમા ચૌધરીને હીરો ગણાવી છે.
એક સમયે પોતાની સુંદરતા અને ગ્લેમરસ સ્ટાઈલથી ચાહકોના ધબકારાને વેગ આપનારી મહિમા ચૌધરીનો લુક બ્રેસ્ટ કેન્સર પછી સંપૂર્ણપણે બદલાઈ ગયો છે. અભિનેત્રીને જોઈને તેને ઓળખવી પણ મુશ્કેલ છે. મહિમા ચૌધરીને બ્રેસ્ટ કેન્સર હોવાના સમાચારે અભિનેત્રીના ચાહકોને દુઃખી કરી દીધા છે. ચાહકો અભિનેત્રીના ઝડપી સ્વસ્થ થવાની પ્રાર્થના કરી રહ્યા છે.