રોજગારની શોધમાં 13 વર્ષ પહેલા હૈદરાબાદ ગયેલા યુવકને તેના સ્વજનોએ મૃત માની લીધો હતો. એક મહિના પહેલા જ્યારે તે ઘરે પાછો આવ્યો ત્યારે તેને ખબર પડી કે તેના સ્વજનોએ તેની પત્નીના લગ્ન આ યુવકના નાના ભાઈ સાથે લગ્ન કરાવી દીધા છે. જેનાથી તેને એક દીકરો પણ છે. જે બાદ યુવક ડિપ્રેશનમાં રહેવા લાગ્યો હતો. દરમિયાન સોમવારે સાંજે ઘરમાં કોઈ ન હતું ત્યારે સાડીને છતમાં લટકતી કડી સાથે બાંધીને ફાંસો ખાઈ લીધો હતો. પિપરાઈચ પોલીસ આ મામલે તપાસ કરી રહી છે.
શું છે આખી વાત
બૈલોન ગામનો રહેવાસી સંત કુમારે હૈદરાબાદ ગયા પછી તેના સ્વજનો સાથે સંબંધો તોડી નાખ્યા. ઘરમાં હાજર પત્ની, બે બાળકો તેમજ માતા અને નાના ભાઈ રામુના કોઈ સમાચાર ન લીધા. 13 વર્ષ સુધી તેણે કોઈનો પણ સંપર્ક કર્યો ન હતો. પરેશાન સ્વજનોએ શોધખોળ કરી પરંતુ કંઈ જાણવા મળ્યું નહીં. આઠ વર્ષ સુધી રાહ જોયા પછી, સ્વજનોએ સંતકુમારને મૃત માની લીધો અને તેની પત્ની દિયર રામુ સાથે રહેવા લાગી હતી. જેની સાથે તેને ત્રણ વર્ષનો દીકરો પણ છે.
સાડીને ફાંસો બનાવીને કરી આત્મહત્યા
જૂન 2021માં, સ્વજને સંત કુમારની પત્નીના લગ્ન રામુ સાથે કરાવી દીધા. પછી અચાનક એક દિવસ સંત ઘરે પાછો ફર્યો. પત્નીના લગ્ન નાના ભાઈ સાથે થયાની માહિતી મળતાં તે ડિપ્રેશનમાં રહેવા લાગ્યો હતો. સોમવારે સાંજે ચાર વાગ્યે જયારે સ્વજનો ખેતર તરફ ગયા હતા, ત્યારે ઘરમાં હાજર સંત કુમારે તેની પત્નીની સાડીનો ફંદો બનાવીને છતમાં લટકાવીને ગળે ફાંસો ખાઈ લીધો હતો. ઘરે પહોંચ્યા પછી, સ્વજનોએ આ જોયું તો તરત જ ડાયલ 112 પર ફોન કરીને તેમને જણાવ્યું.
હૈદરાબાદ ગયો ત્યારે ભાઈની ઉંમર 12 વર્ષ હતી
જ્યારે સંત કુમાર રોજગારની શોધમાં હૈદરાબાદ ગયો ત્યારે નાનો ભાઈ રામુ 12 વર્ષનો જ હતો. એક વર્ષ સુધી સંત કુમાર ઘરે પરત ન ફરતાં સગાસંબંધીઓએ હૈદરાબાદમાં રહેતા પરિચિતોને જણાવ્યું. તેમની મદદથી શોધખોળ કરી પરંતુ સંત કુમાર વિશે કોઈ માહિતી ન મળી. પરત ફર્યા બાદ રામુએ જણાવ્યું કે 13 વર્ષથી તેના સ્વજનોનો સંપર્ક એટલા માટે કરી શક્યો ન હતો કારણ કે તેની આર્થિક સ્થિતિ નબળી હતી.