Entertainment

મિર્ઝાપુર-2 માં રોબિનનો રોલ પ્લે કરનાર પ્રિયાંશુ પેનયુલીએ અભિનેત્રી વંદના જોશી સાથે કર્યા લગ્ન

મિર્ઝાપુરની બીજી સીઝનમાં રોબિનનો રોલ પ્લે કરનાર એક્ટર પ્રિયાંશુ પેનયુલીએ પોતાની લોન્ગ ટાઈમ ગર્લફ્રેન્ડ અને એક્ટર-ડાન્સર વંદના જોશી સાથે લગ્ન કરી લીધા છે. પ્રિયાંશુ અને વંદનાએ ગઈકાલે એટલે કે ૨૬મી નવેમ્બરે દેહરાદૂનમાં ફેરા લીધા હતા. બંનેએ પોતાના લગ્નની તસવીરો સોશિયલ મીડિયા અકાઉન્ટ પર શેર કરી છે.

જેમાં બંને મેડ ફોર ઈચ અધર લાગી રહ્યા છે. પ્રિયાંશુએ ગર્લફ્રેન્ડમાંથી પત્ની બનેલી વંદના સાથે લગ્નની કેટલીક તસવીરો શેર કરીને લાંબી નોટ પણ લખી છે. તેણે લખ્યું છે કે, ૨૦૨૦ની શરુઆતમાં અમે નહોતા જાણતા કે આગામી સમયમાં શું થવાનું છે. મહામારીના કારણે વેડિંગ પ્લાનને હોલ્ટ પર મૂકવો પડ્યો. પરંતુ બાદમાં અમે લગ્ન કરવાનું નક્કી કર્યું. અમે લગ્નના બંધનમાં બધાયા. તે અમારા જીવનનો સૌથી ખાસ દિવસ હતો. ભગવાને અમને દુનિયાની સૌથી વધુ ખુશી આપીને અમારા પ્રત્યે દયા દાખવી છે.

અમે એકબીજાને વચન આપ્યું છે કે, જીવનભર એકબીજાના મિત્રો, જીવનસાથી બનીને રહીશું. બીજી તરફ વંદના જોશીએ પણ લગ્નની તસવીરો શેર કરી છે અને લખ્યું છે કે, ‘સાત વર્ષ સુધી એકબીજાને ઓળખ્યા બાદ, એકબીજાને જાણ્યા બાદ અને આખરે એક નવા જીવનની શરુઆત કરવા જઈ રહ્યા છીએ. આનાથી વધારે સારો લાઈફ પાર્ટનર હું માગી શકું નહીં. પ્રિયાંશુ મારો જીવનભરનો મિત્ર અને મારો પ્રેમ.

બે દિવસ પહેલા વંદનાએ સોશિયલ મીડિયા પર હાથમાં મહેંદી મૂકી હોય તેવી તસવીર શેર કરી હતી. આ સાથે તેણે લખ્યું હતું કે, ‘શરુઆત થઈ ચૂકી છે. મહેંદીની રાત’. થનારી પત્નીની પોસ્ટ પર કોમેન્ટ કરતાં પ્રિયાંશુએ લખ્યું છે કે, ‘ઓકે. તો પછી આ સમય સુંદર છે. પ્રિયાંશુએ કહ્યું હતું કે, તે ડિસેમ્બરના પહેલા અઠવાડિયામાં મુંબઈ આવશે, જ્યાં ફિલ્મ ઈન્ડસ્ટ્રીના નજીકના મિત્રો માટે રિસેપ્શન કરશે. પ્રિયાંશુ અને વંદનાની મુલાકાતની વાત કરીએ તો, મુંબઈમાં ૨૦૧૩ માં થિયેર કરતી વખતે બંને મળ્યા હતા. ત્યારે બંને કોરિયોગ્રાફર વૈભવી મર્ચંટના મ્યૂઝિકલ પ્લે તાજ એક્સપ્રેસમાં સાથે કામ કરી રહ્યા હતા. આ પ્લેમાં બંનેએ લીડ રોલ પ્લે કર્યો હતો.

Related Articles

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker