ભક્તિ અને આરાધનાનો તહેવાર નવરાત્રી શરૂ થઇ ગઇ છે. આ દરમિયાન નવ દિવસ સુધી માતાનાં શક્તિના નવ સ્વરૂપોની પૂજા કરવામાં આવશે. આમાંથી એક સ્વરૂપ મા કુષ્માંડાનું પણ છે.
નવરાત્રિના ચોથા દિવસે દેવી કુષ્માંડાની માતા શક્તિના રૂપમાં પૂજા કરવામાં આવે છે જે નવ દિવસ સુધી ચાલે છે. એવું માનવામાં આવે છે કે જે કોઈ ભક્તિભાવથી માતાની પૂજા કરે છે તેની દરેક મનોકામના પૂર્ણ થાય છે. શરદીય નવરાત્રી આલવી ગઇ છે ત્યારે એવું માનવામાં આવે છે કે આઠ હાથવાળા માતા કુષ્માંડા ભક્તોના તમામ કષ્ટ અને કષ્ટોનો નાશ કરે છે. માતાએ પોતાના સ્મિતથી સૃષ્ટિની રચના કરી હતી, તેથી તેમને બ્રહ્માંડની આદિશક્તિ પણ કહેવામાં આવે છે.
ધીમા હાસ્ય દ્વારા બ્રહ્માંડની રચના કરવાને કારણે તેમને મા કુષ્માંડાના નામથી ઓળખવામાં આવે છે. એવું માનવામાં આવે છે કે જ્યારે બ્રહ્માંડ અસ્તિત્વમાં ન હતું. સર્વત્ર અંધારું હતું. પછી માતાએ જ સૃષ્ટિની રચના કરી. તેમને આઠ હાથ છે. જેમાં તેઓ કમંડલ, ધનુષ-બાણ, કમળ-પુષ્પ, અમૃત-પૂર્ણ કળશ, ચક્ર, ગદા અને જપમાળા ધારણ કરે છે.
અસુરોને પાઠ ભણાવવા જન્મ લીધો
પૌરાણિક કથાઓ અનુસાર, મા કુષ્માંડાએ રાક્ષસોને મારવા માટે અવતાર લીધો હતો. કુષ્માંડા એટલે ઘડા. માતાનું વાહન સિંહ છે. જ્યારે ત્રણે લોક પર અસુરોનો આતંક વધી ગયો હતો ત્યારે તેમને પાઠ ભણાવવા માટે માતા કુષ્માંડાનો જન્મ થયો હતો.
આ રીતે પૂજા કરો
બ્રહ્મ મુહૂર્તમાં સવારે વહેલા ઉઠો. આ પછી, સ્નાન કરો અને સફેદ વસ્ત્રો પહેરો. સૂર્યદેવને જળ અર્પણ કરીને વ્રત લેવું. કળશની પૂજા કર્યા પછી બ્રહ્મા, વિષ્ણુ અને મહેશનું આહ્વાન કરો. આ પછી મા કુષ્માંડાને ફૂલ અને હાર ચઢાવો. માતાની કથા સાંભળો અને મંત્રોનો જાપ કરો.