મધ્યપ્રદેશમાં ઝાબુઆ જિલ્લામાં એક આદિવાસી વ્યક્તિને ખ્રિસ્તી ધર્મમાં ફેરવવાનો પ્રયાસ કરવા બદલ પાદરી સહિત ત્રણ વ્યક્તિઓની ધરપકડ કરવામાં આવી છે. જોકે, ખ્રિસ્તી સમુદાયના સ્થાનિક અગ્રણીઓએ આ આરોપોને નકારી કાઢ્યા છે.
કલ્યાણપુરા પોલીસ સ્ટેશનના ઇન્ચાર્જ દિનેશ રાવતે સોમવારે જણાવ્યું હતું કે, તેટિયા બારિયા (26)ની ફરિયાદ પર પાદરી જામસિંહ ડિંડોર (45), અંસિંહ નિનામા (35) અને મંગુ ભુરિયા (42)ની ધરપકડ કરવામાં આવી છે. બારિયાએ ફરિયાદ કરી આરોપીએ રવિવારે તેને ખ્રિસ્તી બનાવવાનો પ્રયાસ કર્યો હતો.
રાવતે જણાવ્યું હતું કે, બારિયાએ દાવો કર્યો હતો કે ત્રણેયે રવિવારે તેને પ્રાર્થના ગૃહમાં બોલાવી હતી જ્યાં તેના પર પાણી છાંટવામાં આવ્યું હતું અને બાઇબલ વાંચવામાં આવ્યું હતું. બારિયાએ એવો પણ આરોપ લગાવ્યો હતો કે ત્રણેયે તેને કહ્યું હતું કે તેના પરિવારને ધર્માંતરણ પછી મફત આરોગ્ય અને શિક્ષણ સુવિધાઓ મળશે. જોકે બારિયા ત્યાંથી નીકળી ગયો હતો.
અધિકારીએ જણાવ્યું હતું કે સિંહ, નિનામા અને ભૂરિયા સામે મધ્યપ્રદેશ ધર્મ સ્વતંત્રતા અધિનિયમ, 2021 હેઠળ કેસ નોંધવામાં આવ્યો છે. દરમિયાન, ખ્રિસ્તી સમુદાયના ઝાબુઆ ડાયોસિસના સહાયક બિશપ રેવરેન્ડ પોલ મુનિયાએ જણાવ્યું હતું કે, ધર્માંતરણના મુદ્દે ખ્રિસ્તી સમુદાયને બદનામ કરવા માટે આદિવાસી પ્રભુત્વ ધરાવતા વિસ્તારોમાં એક અભિયાન શરૂ કરવામાં આવી રહ્યું છે.
તેમણે કહ્યું હતું કે, “આ અભિયાનનો ઉદ્દેશ રાજકીય લાભ છે. કેટલાક સંગઠનો આદિવાસીઓને વિભાજિત કરી રહ્યા છે. અમારી પાસે એક પાદરી અને બે ધાર્મિક (ત્રણ ખ્રિસ્તી) આદિવાસીઓ છે અને કોઈને ધર્મપરિવર્તન કરવાની લાલચ આપવામાટે કોઈ પ્રયાસમાં જોડાયા નથી. અમે ભગવાનને પ્રાર્થના કરીએ છીએ કે આપણા અત્યાચારીઓને માફ કરો.
આવા અનેક કેસ અવાર નવાર સમગ્ર ભારત માંથી આવી રહ્યા છે જેમાં મફત શિક્ષા અને સ્વાસ્થ સુવિધા ના નામે લોકો નું ધર્માંતરણ કરવામાં આવી રહ્યું છે.