શ્રદ્ધા મર્ડર કેસમાં પોલીસના હાથમાં આવ્યો મહત્વનો પુરાવો, CCTV ફૂટેજમાં આફતાબ બેગ લઈને જતો દેખાયો

શ્રદ્ધા હત્યા કેસની તપાસમાં લાગેલી દિલ્હી પોલીસને મહત્વનો સુરાગ મળ્યો છે. પોલીસને આફતાબના CCTV ફૂટેજ મળ્યા છે. જેમાં આરોપી આફતાબના હાથમાં બેગ દેખાઈ રહી છે. આ સિવાય દિલ્હી પોલીસ આજે શ્રદ્ધા વોકરના મિત્ર રાહુલની પૂછપરછ કરી રહી છે અને ગોડવિનને પણ પૂછપરછ માટે બોલાવ્યો છે.

દિલ્હી પોલીસને 18 ઓક્ટોબરના CCTV ફૂટેજ મળ્યા છે. જેમાં શ્રદ્ધાના હત્યારા આફતાબના હાથમાં બેગ જોવા મળી રહી છે. પોલીસને શંકા છે કે આફતાબ 18 ઓક્ટોબરે શ્રદ્ધાના વિકૃત શરીરના બાકીના ટુકડા ફેંકવા ગયો હતો.

પોલીસને મળેલા સીસીટીવી ફૂટેજમાં આફતાબ ત્રણ વખત આવતો-જતો જોવા મળે છે. જેના કારણે પોલીસને શંકા ગઈ હતી. બીજી તરફ કેટલાક પુરાવા માટે દિલ્હી પોલીસ સતત છઠ્ઠા દિવસે મહેરૌલીના જંગલોમાં તપાસ કરી રહી છે. પોલીસની મોટી ટુકડી જંગલમાં હાજર છે.

પોલીસે આફતાબ અને શ્રદ્ધાના કપડાં જપ્ત કર્યા છે

દિલ્હી પોલીસે આફતાબના ઘરમાં હાજર તમામ કપડા કબજે કરી લીધા છે. આમાં મોટાભાગના કપડાં આફતાબના છે. આ સિવાય પોલીસને ત્યાંથી શ્રદ્ધાના કપડા પણ મળ્યા છે. બંનેના કપડા ફોરેન્સિક તપાસ માટે મોકલવામાં આવશે કારણ કે હજુ સુધી પોલીસે હત્યાના દિવસે પહેરેલા કપડા અને શ્રદ્ધાએ પહેરેલા કપડા કબજે કર્યા નથી. પોલીસને લાગે છે કે ઘરમાંથી મળી આવેલા કપડામાંથી ચોક્કસથી કેટલીક કડીઓ મળી જશે.

દિલ્હી પોલીસને શું મળ્યું?

દિલ્હી પોલીસને અત્યાર સુધીમાં શ્રદ્ધાના મૃતદેહના 13 ટુકડા મળ્યા છે. જોકે પોલીસને હજુ સુધી શ્રદ્ધાનું માથું મળ્યું નથી અને ન તો તેનો મોબાઈલ ફોન મળી આવ્યો છે. જે કરવત વડે મૃતદેહના ટુકડા કરવામાં આવ્યા હતા તે હજુ સુધી મળ્યા નથી.

પોલીસ અધિકારીઓએ જણાવ્યું કે જે દુકાનદારે આફતાબે કથિત રીતે આ કરવત ખરીદી હતી તે હજુ સુધી કંઈ કહી શક્યો નથી અને જે દુકાનમાંથી તેણે ફ્રિજ ખરીદ્યું હતું તેના માલિકને પણ પેમેન્ટ યાદ નથી.

પોલીસે આરોપીનો ફોન જપ્ત કર્યો છે. પોલીસ બમ્બલ એપનો પણ સંપર્ક કરી શકે છે, જ્યાં આફતાબ અને શ્રદ્ધા મળ્યા હતા. પોલીસ અધિકારીએ જણાવ્યું કે આરોપી આફતાબના પ્રોફાઈલની તપાસ કરવામાં આવશે. તે અન્ય કઇ યુવતીઓના સંપર્કમાં હતો તે પણ જાણવાનો પ્રયાસ કરવામાં આવશે.

દરેક લેટેસ્ટ News અને Videos માટે લાઈક કરો