રાજસ્થાન રોયલ્સના માલિકનું શરમજનક કૃત્ય આવ્યું બહાર, આ ખેલાડીને ઝીંકી દીધા 3-4 લાફા

Rajasthan Royals

ઈન્ડિયન પ્રીમિયર લીગ (આઈપીએલ)નો વિવાદો સાથે જૂનો સંબંધ છે, પરંતુ આ વખતે આઈપીએલ સાથે જોડાયેલી એક ઘટના સામે આવી છે, જેને જાણીને તમે પણ ચોંકી જશો. આ વખતે એક દિગ્ગજ વિદેશી ખેલાડીએ IPL ફ્રેન્ચાઇઝી રાજસ્થાન રોયલ્સના માલિક વિશે ચોંકાવનારો ખુલાસો કર્યો છે. આ ખેલાડીએ તેના તાજેતરમાં લખેલા પુસ્તકમાં જણાવ્યું છે કે રાજસ્થાન રોયલ્સના માલિકે મેચ દરમિયાન તેને ત્રણ-ચાર થપ્પડ મારી હતી.

આ ખેલાડીએ કર્યો મોટો ખુલાસો
ન્યુઝીલેન્ડ ક્રિકેટ ટીમના ખતરનાક ખેલાડી રોસ ટેલરે રાજસ્થાન રોયલ્સના માલિક દ્વારા થપ્પડ મારવાની મોટી ઘટનાનો ખુલાસો કર્યો છે. તેમના નિવેદનથી ખળભળાટ મચી ગયો છે. રોસ ટેલરે પોતાના પુસ્તકમાં જણાવ્યું કે, 2011માં મોહાલીમાં રાજસ્થાને કિંગ્સ ઈલેવન પંજાબ સાથે મેચ રમી હતી. હું મેચ દરમિયાન શૂન્ય પર આઉટ થયો હતો. આ બાબતે રાજસ્થાન રોયલ્સના માલિકે મને ત્રણ-ચાર વાર થપ્પડ મારી હતી. ભલે તેણે મજાકમાં કર્યું હોય. તેઓએ મને કહ્યું કે અમે તમને શૂન્ય પર આઉટ થવા માટે એક મિલિયન ડોલર આપતા નથી. આ કર્યા પછી તે હસવા લાગ્યો. પરંતુ તમે આઈપીએલ જેવા પ્લેટફોર્મ પર આની અપેક્ષા રાખતા નથી.

IPLમાં 50 થી વધુ મેચ રમી છે
રોસ ટેલર ઈન્ડિયન પ્રીમિયર લીગ (આઈપીએલ)માં ઘણી ટીમોનો હિસ્સો રહ્યો છે. રોસ ટેલરે IPLમાં કુલ 55 મેચ રમી છે. જેમાં તેણે 25.43ની એવરેજથી 1017 રન બનાવ્યા છે. ઈન્ડિયન પ્રીમિયર લીગ (IPL)માં તેના બેટથી કુલ 3 અડધી સદી છે. રોસ ટેલરે આ વર્ષે ક્રિકેટમાંથી નિવૃત્તિ લીધી છે.

ન્યુઝીલેન્ડના સૌથી સફળ ખેલાડીઓમાંથી એક
રોસ ટેલરે વર્ષ 2006માં ન્યૂઝીલેન્ડ માટે તેની પ્રથમ વન-ડે ઈન્ટરનેશનલ મેચ રમી હતી. તે પછીના વર્ષે તેણે તેની પ્રથમ ટેસ્ટ રમી. રોસ ટેલરે 112 ટેસ્ટ મેચમાં 19 સદીની મદદથી 7,683 રન બનાવ્યા છે. ટેલરે 236 વન-ડેમાં 8,593 રન અને 102 T20 ઈન્ટરનેશનલમાં 1,909 રન બનાવ્યા છે. ટેલર વિશ્વનો એકમાત્ર એવો ખેલાડી છે જેણે ત્રણેય ફોર્મેટમાં 100થી વધુ આંતરરાષ્ટ્રીય મેચ રમી છે. તેણે તેની છેલ્લી મેચ આ વર્ષે એપ્રિલમાં નેધરલેન્ડ સામે રમી હતી. રોસ ટેલરની આ મેચ ન્યૂઝીલેન્ડ માટે તેની 450મી અને છેલ્લી મેચ હતી.

દરેક લેટેસ્ટ News અને Videos માટે લાઈક કરો