આર્જેન્ટિનાએ કતારમાં રમાયેલ FIFA વર્લ્ડ કપ 2022 નું ટાઇટલ જીત્યું છે. લિયોનેલ મેસ્સીની કપ્તાનીવાળી આ ટીમે 36 વર્ષ બાદ ત્રીજી વખત ટાઈટલ જીતીને ઈતિહાસ રચ્યો હતો. આર્જેન્ટિનાએ આ પહેલા 1978 અને 1986માં વર્લ્ડ કપ જીત્યો હતો. આ જીત બાદ સમગ્ર વિશ્વમાં લિયોનેલ મેસ્સીનો ડંકો વાગી રહ્યો છે. આ દરમિયાન સમાચાર આવ્યા છે કે આર્જેન્ટિના સરકાર એક મોટું પગલું ભરવા જઈ રહી છે અને બેંક નોટ પર મેસ્સીની તસવીર છાપશે.
કેટલાક મીડિયા રિપોર્ટ્સ અનુસાર, આર્જેન્ટિનાની સરકાર ટૂંક સમયમાં દેશના ચલણ પર મેસ્સીની તસવીર છાપવા જઈ રહી છે. જો આમ થશે તો મેસ્સી પોતાના દેશના ચલણમાં સ્થાન મેળવનાર પ્રથમ ખેલાડી બની જશે. વર્લ્ડ કપમાં મળેલી સફળતાને ધ્યાનમાં રાખીને આર્જેન્ટિના સરકારમાં નાણાકીય બાબતોનું ધ્યાન રાખતું મંત્રાલય તેના પર વિચાર કરી રહ્યું છે.
BREAKING: Argentina are considering putting Lionel Messi on their banknotes 🤯💵
Officials of their financial governing body are looking to mark their nation’s historic World Cup triumph 🐐
Via El Financiero newspaper. pic.twitter.com/SJGxpltVrX
— SPORTbible (@sportbible) December 21, 2022
આર્જેન્ટિનાએ ફાઇનલમાં પેનલ્ટી શૂટઆઉટમાં ડિફેન્ડિંગ ચેમ્પિયન ફ્રાંસને 4-2થી હરાવીને ઇતિહાસ રચ્યો હતો. આ સાથે જ મેસ્સીની ટીમે ફિફા વર્લ્ડ કપમાંથી યુરોપના વર્ચસ્વનો અંત લાવ્યો હતો. છેલ્લા 16 વર્ષથી યુરોપિયન દેશ સતત ફિફાનો ખિતાબ જીતી રહ્યા હતા. છેલ્લી વખત દક્ષિણ અમેરિકન દેશ બ્રાઝિલ 2002માં ચેમ્પિયન બન્યું હતું. ત્યાર બાદ 2006માં ઈટાલી, 2010માં સ્પેન, 2014માં જર્મની અને 2018માં ફ્રાન્સે વર્લ્ડ કપ જીત્યો હતો. દર વર્ષે બ્રાઝિલ અને આર્જેન્ટિના શાનદાર પ્રદર્શન કરીને ખિતાબના પ્રબળ દાવેદારોમાં સ્થાન મેળવે છે. પરંતુ આ દરમિયાન તે વર્લ્ડ કપ જીતી શક્યો નહોતો. પરંતુ આ વર્ષે આર્જેન્ટિનાએ તે કર્યું અને યુરોપિયન વર્ચસ્વનો અંત લાવ્યો.
ટૂર્નામેન્ટની શરૂઆત પહેલા એવું માનવામાં આવતું હતું કે બ્રાઝિલ આ વર્ષે ટાઈટલ જીતી શકે છે. બ્રાઝિલે પાંચ વખત 1958, 1962, 1970, 1994 અને 2022માં વર્લ્ડ કપ જીત્યો છે. પરંતુ આ વખતે તેઓ ક્વાર્ટર ફાઈનલમાં ક્રોએશિયા સામે હારી ગયા હતા અને ટુર્નામેન્ટમાંથી બહાર થઈ ગયા હતા. બ્રાઝિલ અને આર્જેન્ટીના પછી ઉરુગ્વે ત્રીજો દક્ષિણ અમેરિકન દેશ છે જેણે ફિફા વર્લ્ડ કપ જીત્યો છે. ઉરુગ્વે 1930માં ફિફા વર્લ્ડ કપનું પ્રથમ વિજેતા પણ હતું. તે જ સમયે, 1950 માં, તેણે બીજી વખત બ્રાઝિલને 2-1થી હરાવીને મોટો અપસેટ કર્યો હતો.