‘એકવાર મેં વાંચ્યું કે હું મૃત્યુ પામ્યો છું’, જાણો શા માટે રવીન્દ્ર જાડેજાએ આવું કહ્યું

Asia Cup 2022 Ravindra Jadeja: ભારતીય ઓલરાઉન્ડર રવિન્દ્ર જાડેજા વિશે અફવાઓ હંમેશા બજારમાં વહેતી રહે છે. તાજેતરમાં એવા અહેવાલો આવ્યા હતા કે ચેન્નાઈ સુપર કિંગ્સ (CSK) સાથે તેના સંબંધો ખરાબ થઈ રહ્યા છે. એવી પણ અફવા હતી કે તે આગામી IPLમાં ચેન્નાઈ સુપર કિંગ્સ તરફથી નહીં રમે. હવે જાડેજાએ આ અફવાઓ પર ખુલીને વાત કરી છે.

જાડેજાએ મજાકમાં કહ્યું, ‘મેં સાંભળ્યું છે કે હું T20 વર્લ્ડ કપનો ભાગ નથી. આ બહુ નાની અફવા છે. વચ્ચે સમાચાર આવ્યા કે હું મરી ગયો છું. આનાથી મોટા સમાચાર ક્યા હોઈ શકે? હું આ બધી બાબતો વિશે વિચારતો નથી. હું મેદાનમાં જાઉં છું અને રમતો રમું છું. હું હંમેશા મારું સર્વશ્રેષ્ઠ આપવા ઈચ્છું છું.

ત્યાં જ જ્યારે તેને વિકેટ કીપર બેટ્સમેન ઋષભ પંતને ટીમમાં ન લેવા પર સવાલ કરવામાં આવ્યો ત્યારે જાડેજાએ કહ્યું, ‘મને આ વિશે કોઈ જાણ નથી. આ મારા પુસ્તકની બહારનો પ્રશ્ન છે. એશિયા કપને લઈને જાડેજાએ કહ્યું કે, “ભારત ટી-20 વર્લ્ડ કપમાં સારો દેખાવ કરવા માટે આતુર છે પરંતુ અત્યારે બધાનું ધ્યાન હોંગકોંગ સામેની આગામી મેચ અને ત્યારબાદ સુપર-4 સ્ટેજ પર છે.”

જાડેજાએ કહ્યું, “અમે સકારાત્મક ક્રિકેટ રમવા માંગીએ છીએ અને દરેક રમતમાં અમારું શ્રેષ્ઠ આપવાનો પ્રયત્ન કરીશું.” અમારું ધ્યાન હોંગકોંગ સામેની મેચ પર છે. ત્યાર બાદ જોઈશું કે કઈ ટીમ સામે રમવું. જો ભારત બુધવારે હોંગકોંગને હરાવશે તો સુપર-4માં તેનું સ્થાન નિશ્ચિત થઈ જશે.

જાડેજાએ એશિયા કપની પ્રથમ મેચમાં પાકિસ્તાન સામે શાનદાર પ્રદર્શન કર્યું હતું. આ મેચમાં ભારતે પાકિસ્તાનને 5 વિકેટે હરાવ્યું હતું. જાડેજાએ 29 બોલમાં 2 સિક્સ અને 2 ફોરની મદદથી 35 રન બનાવ્યા હતા. ત્યાં જ તેને ઓલરાઉન્ડર હાર્દિક પંડ્યાએ ટેકો આપ્યો હતો. પંડ્યાએ 17 બોલમાં અણનમ 33 રન બનાવ્યા હતા. આ દરમિયાન તેણે ચાર ફોર અને એક સિક્સર ફટકારી હતી.