11 વર્ષની ભારતીય મૂળની છોકરીને અમેરિકામાં મોટું સમ્માન મળ્યું છે. 11 વર્ષની ભારતીય મૂળની છોકરીને અમેરિકામાં શાળાએ જતા બાળકો વચ્ચે ચલાવવામાં આવતા ગિફ્ટેડ એજ્યુકેશન પ્રોગ્રામ દ્વારા વિશ્વની તેજસ્વી વિદ્યાર્થીઓમાંની એક જાહેર કરાઈ છે. જેમાં ન્યૂ જર્સીની થેલમા એલ સેન્ડમાયર એલિમેન્ટ્રી સકૂલની વિદ્યાર્થીની નતાશા પેરીને એસએટી, એસીટી અને અન્ય પરીક્ષાઓમાં તેના ઉત્કૃષ્ટ પ્રભાવના કારણે આ એવોર્ડ અપાયો છે. આ પરીક્ષાઓનું આયોજન જોન્સ હોપકિન્સ સેન્ટર ફોર ટેલેન્ટેડ યુથ દ્વારા પ્રતિભા શોધ અભિયાન તરીકે કરવામાં આવ્યું હતું.
જ્યારે ડૂડલિંગ અને જેઆરઆર ટોલ્કિન નવલકથાઓ વાંચવાનો શોખ ધરાવનાર પેરીએ જ્હોન હોપકિન્સ દ્વારા આયોજિત હાઇ ઓનર એવોર્ડમાં સ્થાન પ્રાપ્ત કર્યું હતું. તેમાં 20 બાળકોમાં સામેલ થઈને ટેલેન્ટ શોધ અભિયાનમાં ભાગ લઈને એવોર્ડ માટે ક્વોલિફાય કર્યું હતું. તેની સાથે એક ખાનગી ચેનલથી વાતચીત કરતા પેરીએ જણાવ્યું હતું કે, “આનાથી મને વધુ સારું કરવા માટેની પ્રેરણા મળશે.”
જ્યારે વધુમાં તેને જણાવ્યું હતું કે, 84 દેશોના 19,000 વિદ્યાર્થીઓ આ ટેલેન્ટ શોધ સ્પર્ધામાં જોડાયા હતા. પેરી જ્યારે પાંચમા ધોરણની વિદ્યાર્થીની રહેલી હતી ત્યારથી આ સ્પર્ધામાં જોડાયેલી હતી. પરીક્ષા 2021 ના ઉનાળામાં લેવાઈ હતી. પ્રાપ્ત માહિતી મુજબ, મૌખિક અને ક્વાન્ટિટેટિવ વિભાગની પરીક્ષામાં પેરીનું પરિણામ એડવાન્સ ગ્રેડ-8 ના 90 % જેટલું માનવામાં આવી રહ્યું હતું.
આ
બાલ્ટીમોરમાં જોન્સ હોપકિન્સ સેન્ટર ફોર ટેલેન્ટેડ યુથ દ્વારા વિશ્વભરના પ્રતિભાશાળી વિદ્યાર્થીઓને ઓળખવા માટે ગ્રેડ લેવલ ટેસ્ટિંગ પ્રક્રિયાનો ઉપયોગ કરવામાં આવે છે. જ્યારે આ પરીક્ષા દ્વારા, વિદ્યાર્થીઓની વાસ્તવિક શૈક્ષણિક ક્ષમતાઓનું સ્પષ્ટ ચિત્ર પણ સામે આવી જાય છે.