સોશિયલ મીડિયા પર યુવક સાથે પ્રેમ કરવો ભારે પડ્યો છે. સોશિયલ મીડિયાના માધ્યમથી ગુજરાતી યુવકના પ્રેમમાં પડેલી બાંગ્લાદેશી મહિલાને જેલમાં હવાનો ખાવો વારો આવ્યો છે. પ્રેમી અને પ્રેમિકાની વાત કરવામાં આવે તો તે 2017 થી અમદાવાદ નજીકના સનાથલમાં શાંતિથી રહી રહ્યા હતા અને આ દરમિયાન તેમને એક દીકરી પણ અવતરી હતી. આ ઘટનામાં વળાંક ત્યારે આવ્યો જ્યારે 20 દિવસ અગાઉ ખેડા નજીક એક માર્ગ અકસ્માતમાં પ્રેમીનું મોત થવું. ત્યાર બાદ બાંગ્લાદેશી યુવતીને ચાંગોદર પોલીસની કસ્ટડીમાં રહેવાનો વારો આવ્યો છે.
નોંધનીય છે કે, બાંગ્લાદેશની સિરિના અખ્તર હુસૈન 2017 માં અમદાવાદના હિતેષ જોષીથી મુલકાત થઈ હતી. સોશિયલ મીડિયા પર એકબીજા સાથે ચેટિંગ કરતા દરમિયાન સિરિના અને હિતેષની મિત્રમાં પ્રેમમાં ફેરવાઈ ગઈ હતી. આ કારણોસર થોડા મહિનામાં જ સિરિના હિતેષને મળવા માટે 90 દિવસના ટુરિસ્ટ વિઝા પર આવી પહોંચી હતી. હિતેષ અને સિરિનાએ અમદાવાદમાં રહેવાનું મન બનાવ્યું હતું. તેમ છતાં, સિરિનાના વિઝા પૂર્ણ થતા તે બાંગ્લાદેશ જઈ નહોતી.
જ્યારે આ બાબતમાં વધુમાં જાણવા મળ્યું કે, 2017 ના અંતમાં સિરિના વિઝા રિન્યૂ કરાવી ફરી ભારતમાં પરત ફરી હતી. તે દરમિયાન તેને હૈદરાબાદથી ગુટ્ટા સોનુ બિસ્વાસના નામ પર નકલી આધાર કાર્ડ અને પાન કાર્ડ તૈયાર કરાવી લીધા હતા. ત્યારબાદ સિરિના અને હિતેષ લીવ-ઈનમાં રહેવા લાગ્યા હતા. તેમ છતાં, અમદાવાદ આવી સિરિનાએ સોનુ હિતેષ જોષીના નામે નવું પાન કાર્ડ અને આધાર કાર્ડ કઢાવી લીધું હતું.
ત્યાર બાદ 2018 માં સિરિનાએ હિતેષની દીકરીને જન્મ પણ આપ્યો હતો. 2020 માં તેણે પાસપોર્ટ પણ કઢાવી લીધો હતો અને તેના પર તે બાંગ્લાદેશ જઈને પરત પણ આવી ગઈ હતી. જ્યારે અત્યાર સુધી તો બધુ બરાબર ચાલી રહ્યું હતું ,પરંતુ 20 દિવસ અગાઉ હિતેષનું એક અકસ્માતમાં મોત થઈ જતા તેના મુસીબતોનો પહાડ તૂટી પડ્યો છે. હિતેષના મોત બાદ નરોડામાં રહેનાર તેના માતાપિતાએ સિરિનાને દોષ આપવાનું શરુ કર્યું હતું. જ્યારે આ બાબતમાં વધુ જાણવા મળ્યું છે કે, તે બીજા ધર્મની હોવાથી હિતેષના જીવનમાં કમનસીબી લઈને આવી તેવા ટોણા મારી સિરિનાને તેના સાસરિયા દ્વારા હેરાન કરવામાં આવી રહી હતી.
તેના પછી સિરિનાના સાસરિયા સાથે આ બાબતને લઈને અવારનવાર ઝઘડા થવા લાગ્યા હતા. જ્યારે પોલીસને જાણકારી મળી હતી કે, એક બાંગ્લાદેશી મહિલા ખોટા દસ્તાવેજો બનાવીને સનાથલમાં વસવાટ કરી રહી છે. જાણકારી મુજબ અમદાવાદ ગ્રામ્ય પોલીસની એક ટીમ સિરિનાના ઘરે પહોંચી ગઈ હતી. તપાસ દરમિયાન પોલીસને બે પાસપોર્ટ મળી આવ્યા હતા, જેમાંથી એક બાંગ્લાદેશનો જ્યારે બીજો ભારતનો હતો. આ સિવાય, સિરિનાના ફોટોગ્રાફવાળા બે-બે આધાર અને પાનકાર્ડ પણ પોલીસને મળી આવ્યા હતા. જેના કારણે પોલીસ અચંબામાં મુકાઈ ગઈ હતી.
પોલીસ સમક્ષ સિરિના દ્વારા કબૂલાત કરતા કહેવામાં આવ્યું છે કે, તેણે માત્ર પોતાના પ્રેમીને મેળવવા માટે કાયદા તોડ્યા હતા. આ બાબતમાં ચાંગોદર પોલીસ દ્વારા સિરિનાને બનાવટી દસ્તાવેજો ઉભા કરવા તેમજ વિઝાની મુદ્દત પૂર્ણ થઈ ગઈ હોવા છતાં ભારતમાં રહેવાનો ગુનો દાખલ કરી તેની ધરપકડ કરવામાં આવી હતી. સિરિના અને હિતેષની સાડા ત્રણ વર્ષની દીકરીને પોલીસ દ્વારા હિતેષના બહેન રાજુબેન જોષીના ઘરે મોકલી દેવામાં આવી છે જે હિંમતનગરમાં વસવાટ કરે છે.