પત્નીએ છૂટાછેડા માટે કરી એવી માંગણી કે પતિએ કંટાળીને નર્મદામાં ઝંપલાવ્યું, મોત પહેલા બનાવ્યો વીડિયો….

By /

મધ્યપ્રદેશના ખરગોન જિલ્લામાં એક ચોંકાવનારો કિસ્સો સામે આવ્યો છે. અહીં એક પતિએ નર્મદા નદીમાં ઝંપલાવી આત્મહત્યા કરી હતી. કારણ એ હતું કે પત્નીએ છૂટાછેડાના બદલામાં એક કરોડ રૂપિયા માંગ્યા હતા. પોલીસને મૃતક પાસેથી એક સુસાઈડ નોટ પણ મળી આવી છે. સાથે જ મૃતકે આત્મહત્યા કરતા પહેલા પોતાનો વીડિયો પણ બનાવ્યો હતો.

વીડિયોમાં તેણે તેના મૃત્યુનું કારણ જણાવ્યું હતું કે તે તેની પત્ની અને સાસરિયાઓ તેને પરેશાન કરતા હતા. યુવકે 25 નવેમ્બરે નર્મદા નદીમાં ઝંપલાવ્યું હતું. ત્રણ દિવસના સર્ચ ઓપરેશન બાદ પોલીસને તેનો મૃતદેહ મળી આવ્યો હતો. વાસ્તવમાં આ અનોખો કિસ્સો ખરગોન જિલ્લા મુખ્યાલયથી 80 કિલોમીટર દૂર બરવાહના નર્મદા પુલનો છે.

અજય કુમાર દ્વિવેદી રીવાના રહેવાસી છે. તે 25 નવેમ્બરે તેના મિત્ર કૌશલ શુક્લા સાથે ઈન્દોરથી ઓમકારેશ્વર જઈ રહ્યો હતો. અહીં અજયે બરવાહના એક્વેડક્ટ બ્રિજ પર ફોટોગ્રાફી કરવાની ઈચ્છા દર્શાવ્યા બાદ બાઇક રોકી હતી. જ્યારે તેનો મિત્ર કૌશલ ફોટોશૂટ માટે કેમેરા કાઢી રહ્યો હતો ત્યારે અજય ફરવાના બહાને આગળ ગયો અને અચાનક 40 ફૂટ ઊંચા પુલ પરથી નદીમાં કૂદી પડ્યો.

સુસાઈડ નોટમાં પત્નીનું નામ લખ્યું છે. પોલીસને અજયની બાઇકમાંથી એક સુસાઈડ નોટ મળી આવી છે. આ નોટમાં અજયે લખ્યું છે કે, “મારા મૃત્યુ માટે ગુરુ પ્રસાદ તિવારી, પ્રાર્થના તિવારી, પ્રિન્સ તિવારી, રમા તિવારી જવાબદાર છે. આ લોકો મારી અને મારા પરિવાર વિરુદ્ધ ત્રણ વર્ષથી કેસ નોંધીને એક કરોડ રૂપિયાની માંગ કરી રહ્યા હતા. તેમનાથી કંટાળીને જ મેં આ પગલું ભર્યું છે.

Scroll to Top