5 રાજ્યોની ચૂંટણીના પરિણામોની જાહેરાત સાથે જ વડાપ્રધાન નરેન્દ્ર મોદી 2 દિવસના ગુજરાત પ્રવાસે આવી ગયા છે. પીએમ મોદીના ગુજરાત પ્રવાસનો આજે બીજો દિવસ છે. દરમિયાન, આજે PM મોદીએ ગાંધીનગરમાં નેશનલ ડિફેન્સ યુનિવર્સિટીના પ્રથમ દીક્ષાંત સમારોહમાં હાજરી આપી હતી.
અહીં પીએમનું ભવ્ય સ્વાગત કરવામાં આવ્યું હતું. આ સમારોહમાં તેમની સાથે ગૃહમંત્રી અમિત શાહ, રાજ્યપાલ આચાર્ય દેવવ્રત અને મુખ્યમંત્રી ભૂપેન્દ્ર પટેલ પણ હાજર હતા.
Gujarat | PM Narendra Modi dedicates to the nation the building of Rashtriya Raksha University in Gandhinagar. He will also deliver the first convocation address of the university shortly. Union HM Amit Shah along with Governor Acharya Devvrat and CM Bhupendra Patel also present pic.twitter.com/gqggZ6gtlY
— ANI (@ANI) March 12, 2022
દીક્ષાંત સમારોહમાં પીએમે કહ્યું કે જ્યારે ન્યાય પ્રણાલી સમયસર સજા આપી શકે છે, ત્યારે દોષિતોની અંદર ડર હોય છે. તેમણે કહ્યું કે આઝાદી પછી આપણા દેશનો કાયદો અને વ્યવસ્થાની સ્થિતિ સુધારવા માટે કામ થવું જોઈતું હતું, પરંતુ કમનસીબે આપણે પાછળ રહી ગયા. આજે પણ સામાન્ય લોકો પોલીસથી દૂર રહેવા માંગે છે. આપણા દેશમાં સુરક્ષાના ક્ષેત્રમાં એવો મેન પાવર લાવવાની જરૂર છે, જેનાથી સામાન્ય માણસ મનમાં મિત્રતા, વિશ્વાસની લાગણી અનુભવી શકે.