એવું કહેવાય છે કે કોઈ પણ કામ નાનું નથી હોતું અને કોઈને પણ તેના કામ અને કપડાંથી પરખવું જોઈએ નહીં. યુપીના પ્રયાગરાજની સીએમઓ ઓફિસના રક્તપિત્ત વિભાગમાં કામ કરતા સફાઈ કામદાર ધીરજે આ વાત સાચી સાબિત કરી છે. સફાઈ કામદારનો પોશાક જોઈને લોકોને તેના પર દયા આવે છે. પરંતુ આ કોઈ સામાન્ય સફાઈ કામદાર નથી, પરંતુ કરોડપતિ સફાઈ કામદાર છે. આશ્ચર્યજનક વાત એ છે કે ધીરજે 10 વર્ષથી પોતાનો પગાર પણ ઉપાડ્યો નથી.
10 વર્ષથી પગાર લેવા આવ્યો નથી
મળતી માહિતી મુજબ, ધીરજનો પોશાક જોઈને લોકો તેને પૈસા આપે છે. આનાથી તે પોતાના ઘરનો ખર્ચો ચલાવે છે. પરંતુ તેના બેંક ખાતામાં 70 લાખથી વધુ રૂપિયા પણ છે. આ વાતનો ખુલાસો ખુદ બેંકરોએ કર્યો હતો. ખરેખરમાં સફાઈ કામદારે છેલ્લા 10 વર્ષથી તેના બેંક ખાતામાંથી પૈસા ઉપાડ્યા ન હતા. આ દરમિયાન તે બેંકમાં પણ ગયો ન હતો. ધીરજને શોધતા બેંક કર્મચારીઓ તેની ઓફિસે પહોંચ્યા અને આ વાતનો ખુલાસો કર્યો.
કરોડપતિ હૈ સફાઈ કામદાર
બેંક કર્મચારીઓએ જણાવ્યું કે ધીરજના ખાતામાં 70 લાખથી વધુ રકમ છે. આ સિવાય તેની પાસે જમીન અને મકાન પણ છે. બેંક કર્મચારીઓએ એમ પણ જણાવ્યું કે ધીરજ 10 વર્ષથી બેંકમાં નથી ગયો અને ન તો તેણે કોઈ ટ્રાન્ઝેક્શન કર્યું છે. બેંક કર્મચારીઓની વાત સાંભળીને સીએમઓમાં કામ કરતા લોકો આશ્ચર્યચકિત થઈ ગયા.
પિતાને બદલે સફાઈ કામદારની નોકરી
મીડિયા રિપોર્ટ્સ અનુસાર, સ્વીપર ધીરજના પિતા આ ઓફિસમાં સફાઈ કામદાર તરીકે કામ કરતા હતા. નોકરી પર હતા ત્યારે તેમનું મૃત્યુ થયું હતું. આ પછી ધીરજને નોકરી મળી ગઈ. તેણે વર્ષ 2012માં સફાઈ કામદારની નોકરી શરૂ કરી હતી. ત્યારથી તેણે ક્યારેય પોતાનો પગાર ઉપાડ્યો નથી. તે પોતાની કમાણી પર આવકવેરો પણ ભરે છે. તેની ઓફિસમાં કામ કરતા કર્મચારીએ જણાવ્યું કે ધીરજ ખૂબ જ ઈમાનદાર અને મહેનતુ છે. તે પોતાનું કામ સમયસર પૂરું કરે છે.