ઉત્તર પ્રદેશ કેડરના IAS ઓફિસર અભિષેક સિંહને સોશિયલ મીડિયા પર તસવીર પોસ્ટ કરવી મોંઘી પડી છે. તેઓ ગુજરાતની ચૂંટણીમાં નિરીક્ષક તરીકે જવાબદારી સંભાળી રહ્યા હતા. ચૂંટણી પંચે તેમને નિરીક્ષકની જવાબદારીમાંથી હટાવી દીધા છે. આ જવાબદારી અન્ય અધિકારીને સોંપવામાં આવી છે.
ચૂંટણી પંચે તેમના સત્તાવાર કાર્યની તસવીરો સોશિયલ મીડિયા પર પોસ્ટ કરવા બદલ તેમની સામે આ કાર્યવાહી કરી છે. IAS ઓફિસર અભિષેક સિંહ પર ‘પબ્લિસિટી સ્ટંટ’ અપનાવવાનો આરોપ છે.
View this post on Instagram
IAS અધિકારી અભિષેક સિંહને ગુજરાત વિધાનસભાની ચૂંટણીમાં અમદાવાદના બાપુનગર અને અસારવા વિધાનસભા મતવિસ્તારમાં નિરીક્ષક તરીકે જવાબદારી સોંપવામાં આવી હતી. તે સોશિયલ મીડિયા પર સતત પોતાની પોસ્ટ કરી રહ્યા હતા, જેની ફરિયાદ ચૂંટણી પંચને મળી હતી. ચૂંટણી પંચે તેને ગંભીરતાથી લીધી અને તરત જ તેમને નિરીક્ષકની જવાબદારીમાંથી હટાવી દીધા.
કોણ છે અભિષેક સિંહ?
IAS અભિષેક સિંહનો જન્મ 22 ઓગસ્ટ 1990ના રોજ ઉત્તર પ્રદેશમાં થયો હતો. રિપોર્ટ્સ અનુસાર, અભિષેકનું સપનું હતું કે તે IAS બની દેશની સેવા કરે. 32 વર્ષીય યુવકે 2011માં UPSC પરીક્ષા પાસ કરી હતી અને જ્યારે તે IASમાં જોડાયો ત્યારે તે 94માં ક્રમે હતા.