રશિયાને અલગ પાડવું અશક્ય, કેમ વ્લાદિમીર પુતિને કહ્યું આવું?

રશિયા-યુક્રેન યુદ્ધની વચ્ચે રાષ્ટ્રપતિ વ્લાદિમીર પુતિને વૈશ્વિક અર્થવ્યવસ્થાની વર્તમાન સ્થિતિ પર ચિંતા વ્યક્ત કરતા મોટું નિવેદન આપ્યું છે. પુતિને કહ્યું કે જે દેશો રશિયાને અલગ કરવાનો પ્રયાસ કરી રહ્યા છે તેઓ ખાસ કરીને તેમની અર્થવ્યવસ્થાને નુકસાન સાથે વિશ્વની અર્થવ્યવસ્થાને અસર કરી રહ્યા છે.

રશિયાને અલગ પાડવું અશક્ય છે
ન્યૂઝ એજન્સી સિન્હુઆના અહેવાલ મુજબ, પ્રથમ યુરેશિયન ઇકોનોમિક ફોરમના પૂર્ણ સત્રને સંબોધિત કરતા પુતિને કહ્યું કે રશિયાને અલગ પાડવું અશક્ય છે અને જે લોકો અથવા દેશો તેમ કરવાનો પોતાનો ઇરાદો વ્યક્ત કરી રહ્યા છે, તેઓ પોતાને નુકસાન પહોંચાડશે. સૌથી વધુ

મોટી અર્થવ્યવસ્થા ધરાવતા દેશો ભયંકર સંકટમાં છેઃ પુટિન
રાષ્ટ્રપતિએ નોંધ્યું હતું કે વૈશ્વિક અર્થતંત્રની વર્તમાન સ્થિતિ દર્શાવે છે કે રશિયાની સ્થિતિ યોગ્ય અને ન્યાયી છે. તેમણે કહ્યું કે વિકસિત અર્થવ્યવસ્થા 40 વર્ષમાં તેમની સૌથી ખરાબ ફુગાવાની સાથે સાથે વધતી બેરોજગારીનો પણ સામનો કરી રહી છે.

વૈશ્વિક વ્યવસ્થા પર અસર
“આ એક ગંભીર મુદ્દો છે જે આર્થિક અને રાજકીય સંબંધોની સમગ્ર સિસ્ટમને અસર કરે છે,” પુતિને કહ્યું. પુતિને કહ્યું, ‘ઘણા દેશો એવા છે જે સ્વતંત્ર નીતિ ઈચ્છે છે. આ વૈશ્વિક પ્રક્રિયાને કોઈપણ દેશ રોકી શકશે નહીં. આ માટે પૂરતી શક્તિ નહીં હોય અને આમ કરવાની ઇચ્છાશક્તિ ખોવાઈ જશે.