હરિયાણા સરકારે મેઇડન ફાર્માસ્યુટિકલ્સ લિમિટેડમાં કફ સિરપના ઉત્પાદન પર પ્રતિબંધ મૂક્યો છે. કેન્દ્રીય અને હરિયાણા રાજ્યના ફાર્માસ્યુટિકલ વિભાગ દ્વારા સંયુક્ત નિરીક્ષણ પછી લગભગ 12 ક્ષતિઓ મળી આવી હતી. તેના આધારે કુલ ઉત્પાદન બંધ કરવાનો નિર્ણય લેવામાં આવ્યો છે. કંપનીને કારણ બતાવવા નોટિસ આપવામાં આવી છે. કંપનીએ સાત દિવસમાં જવાબ આપવાનો રહેશે. હરિયાણાના સ્વાસ્થ્ય મંત્રી અનિલ વિજે જણાવ્યું કે, ફાર્માસ્યુટિકલ કંપનીના સેમ્પલ કોલકાતાની સેન્ટ્રલ ડ્રગ લેબમાં મોકલવામાં આવ્યા હતા. હજુ રિપોર્ટ આવ્યો નથી, ત્યાર બાદ જ કાર્યવાહી કરવામાં આવશે.
વિયેતનામમાં પણ સબસ્ટાન્ડર્ડ દવાની નિકાસ થતી હતી
મેઇડન ફાર્માસ્યુટિકલ્સ પ્રાઇવેટ લિમિટેડ કંપની પહેલીવાર લાઇમલાઇટમાં આવી નથી. આ પહેલા પણ આ કંપની નિમ્ન કક્ષાની દવા બનાવવાના કારણે કલંકિત બની છે. આ કંપનીને વિયેતનામીસ સરકાર દ્વારા હલકી ગુણવત્તાની દવાઓ સપ્લાય કરવા બદલ બ્લેકલિસ્ટ કરવામાં આવી હતી. સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશન (CDSCO) નોર્થ ઝોન, ગાઝિયાબાદના ડ્રગ ઈન્સ્પેક્ટરની ફરિયાદ પર કંપની વિરુદ્ધનો કેસ સોનેપત કોર્ટમાં પેન્ડિંગ છે. જાણવા મળ્યું છે કે CDSCO ના ડ્રગ ઇન્સ્પેક્ટરે વર્ષ 2017માં સોનેપત કોર્ટમાં મેઇડન ફાર્માસ્યુટિકલ્સ વિરુદ્ધ વિયેતનામમાં સબસ્ટાન્ડર્ડ દવાઓ સપ્લાય કરવા બદલ ફરિયાદ દાખલ કરી હતી. કંપનીની રેનિટીડિન હાઇડ્રોક્લોરાઇડ ટેબ્લેટ (Mantac-150)નો સેમ્પલ ફેલ થયો હોવાનો આક્ષેપ કરવામાં આવ્યો હતો. કંપની તેના ડિરેક્ટર નરેશ કુમાર ગોયલ, ટેક્નિકલ ડિરેક્ટર સોનીપત કોર્ટમાં ટ્રાયલનો સામનો કરી રહ્યા છે. આ કેસની આગામી સુનાવણી 28 ઓક્ટોબરે થવાની છે.
Haryana govt stops the production of cough syrups by Maiden Pharmaceuticals Ltd
Samples of 3 drugs mentioned by WHO of Sonipat's pharmaceuticals company were sent to Central Drug Lab in Kolkata. The reports are not in yet, action will be taken after that: Haryana HM Anil Vij https://t.co/OXdRxsqc5U pic.twitter.com/YO1SuhAlor
— ANI (@ANI) October 12, 2022
ધ ગામ્બિયામાં બાળકોના મોત બાદ કંપની ફરી ચર્ચામાં
વર્લ્ડ હેલ્થ ઓર્ગેનાઈઝેશન (WHO) એ ચાર ભારતીય દવાઓને ઘાતક જાહેર કરી છે. આ ચારેય દવાઓ બાળકોમાં ઉધરસ સાથે સંબંધિત છે. ધ ગામ્બિયામાં 66 બાળકોના મોત બાદ કંપની ફરી ચર્ચામાં છે. WHOની ચેતવણી બાદથી કંપનીના રેકોર્ડની તપાસ કરવામાં આવી છે અને નોટિસ પણ આપવામાં આવી છે. જો કંપની સાત દિવસમાં જવાબ નહીં આપે તો તેનું લાઇસન્સ રદ કરવાની ચેતવણી આપવામાં આવી છે.