બદામ એક એવું ડ્રાય ફ્રુટ છે કે માત્ર ભારત જ નહીં પરંતુ દુનિયાભરના લોકો તેને ખૂબ જ શોખથી ખાય છે. આપણા વડીલો પણ તેના સેવનની સલાહ આપે છે કારણ કે તેમાં રહેલા પોષક તત્વો શરીર માટે ખૂબ જ ફાયદાકારક છે. કહેવાય છે કે બદામ ખાવાથી મગજ તેજ થાય છે અને યાદશક્તિ વધે છે. આ ફાયદાઓ જાણીને ઘણા લોકો આ ડ્રાયફ્રુટનું જરૂર કરતાં વધુ સેવન કરવા લાગે છે. આમ કરવાથી શરીરને ફાયદો થવાને બદલે નુકસાન થવા લાગે છે. ચાલો જાણીએ બદામની આડ અસરો વિશે.
વધુ બદામ ખાવાના ગેરફાયદા
1. કિડની સ્ટોનનું જોખમ
બદામનું વધુ પડતું સેવન પણ કિડનીના સ્વાસ્થ્ય માટે સારું માનવામાં આવતું નથી. આ ડ્રાય ફ્રૂટમાં ઓક્સાલેટ જોવા મળે છે, જેનાથી કિડનીમાં પથરી થઈ શકે છે.
2. હેમરેજ
બદામ વિટામીન E નો સ્ત્રોત છે, જો તમે આ ડ્રાય ફ્રુટ વધારે ખાશો તો વિટામિનનો ઓવરડોઝ થશે, જે હેમરેજ જેવી ગંભીર બીમારીના કારણોમાં સામેલ છે.
3. શરીરમાં ટોક્સિન્સ વધશે
બદામના વધુ પડતા સેવનથી શરીરમાં ટોક્સિન્સ વધી શકે છે, જે પેટ માટે સારું નથી. આ જ કારણ છે કે ગર્ભવતી મહિલાઓને તેને ન ખાવાની સલાહ આપવામાં આવે છે.
4. કબજિયાત
બદામમાં ભરપૂર પ્રમાણમાં ફાઈબર હોય છે જે પેટ માટે સારું માનવામાં આવે છે, પરંતુ તેને વધુ પ્રમાણમાં ખાવાથી કબજિયાત અને પાચનમાં સમસ્યા થઈ શકે છે.
5. સ્થૂળતા
જો તમે વધતા વજનથી પરેશાન છો તો ક્યારેય વધુ બદામ ન ખાઓ કારણ કે તેનાથી તમારું વજન વધશે અને પેટની આસપાસ ચરબી જમા થવા લાગશે.
6. પોષણ મેળવવામાં મુશ્કેલી
જો કોઈ વ્યક્તિ વધુ માત્રામાં બદામ ખાય છે, તો તેમાં રહેલા ફાઈબરને કારણે, કેલ્શિયમ, આયર્ન, ઝિંક અને મેગ્નેશિયમના શોષણમાં અવરોધ આવે છે.
7. શ્વાસ લેવામાં તકલીફ
મર્યાદાથી વધુ બદામ ખાવાથી શરીરમાં HCN લેવલ વધે છે, જેનાથી શ્વાસ લેવામાં તકલીફ થઈ શકે છે. આ સિવાય નર્વસ બ્રેકડાઉન અને ગૂંગળામણનો ખતરો પણ હોઈ શકે છે.