સાઉથ સ્ટાર મહેશ બાબુના પિતાને હાર્ટ એટેક આવ્યો, માતાનું 2 મહિના પહેલા અવસાન થયું હતું

તેલુગુ સુપરસ્ટાર મહેશ બાબુ ફરી એકવાર ભાવનાત્મક તબક્કામાંથી પસાર થઈ રહ્યો છે. તાજેતરમાં જ તેની માતાનું નિધન થયું હતું. ત્યાં જ સમાચાર આવ્યા છે કે તેના પિતા કૃષ્ણા ઘટ્ટામનેનીને હોસ્પિટલમાં દાખલ કરવામાં આવ્યા છે. સોમવારે મહેશ બાબુના પિતાને હાર્ટ એટેકના કારણે કોન્ટિનેન્ટલ હોસ્પિટલમાં દાખલ કરવામાં આવ્યા હતા. હોસ્પિટલમાંથી પ્રાપ્ત માહિતી અનુસાર, કૃષ્ણાની હાલત નાજુક છે.

મોડી રાત્રે અચાનક હાર્ટ એટેક

મહેશ બાબુના પિતા કૃષ્ણા ખટ્ટામનેનીને ઉતાવળમાં હૈદરાબાદની કોન્ટિનેન્ટલ હોસ્પિટલના ઈમરજન્સી વોર્ડમાં દાખલ કરવામાં આવ્યા હતા. મોડી રાત્રે 1.15 કલાકે તેમને હાર્ટ એટેક આવ્યો હતો. વિલંબ કર્યા વિના, ડોકટરોએ 20 મિનિટની અંદર ક્રિષ્નાને સીપીઆર આપી દીધું અને તેને હોશમાં લાવવાનો પ્રયાસ કરવામાં આવ્યો. આ પછી ક્રિષ્નાને આઈસીયુમાં શિફ્ટ કરીને વેન્ટિલેટર પર રાખવામાં આવ્યા છે.

ડોક્ટરોએ જણાવ્યું કે કૃષ્ણાની હાલત હજુ પણ નાજુક છે. હાલ તેમને વેન્ટિલેટર પર રાખવામાં આવશે. હાલ સારવાર જારી કરવામાં આવી છે. કાર્ડિયોલોજિસ્ટ, ન્યુરોલોજીસ્ટ અને ક્રિટિકલ કેર ટીમ તેમના સારા સ્વાસ્થ્ય માટે પ્રયાસ કરી રહી છે. પરિવારને પણ સતત જાણ કરવામાં આવી રહી છે.

કોણ છે કૃષ્ણા

કૃષ્ણા 79 વર્ષના છે. મહેશ બાબુના પિતા પણ તેલુગુ ઈન્ડસ્ટ્રીના જાણીતા એક્ટર રહી ચૂક્યા છે. તેણે થેને મનસાલુમાં મુખ્ય અભિનેતા તરીકે પ્રવેશ કર્યો હતો. ક્રિષ્ના માત્ર એક્ટર જ નથી પણ ડિરેક્ટર, ફિલ્મ પ્રોડ્યુસર પણ છે. તેણે ઘણી હિટ ફિલ્મો મોસાગાલગુ મોસાગાડુ, અલ્લુરી સીતા રામરાજુ બનાવી છે. કૃષ્ણાએ પોતાની આખી કારકિર્દીમાં લગભગ 350 ફિલ્મોમાં કામ કર્યું છે.

મહેશ બાબુની માતાનું અવસાન થયું

ૉમહેશ બાબુની માતાનું પણ આ વર્ષે 28 સપ્ટેમ્બરે નિધન થયું હતું. મહેશની માતા ઈન્દિરા દેવી લાંબા સમયથી બીમાર હતી, તેમની તબિયત વધુ ખરાબ થતાં તેમને હોસ્પિટલમાં દાખલ કરવામાં આવ્યા હતા. ઈન્દિરાની ગંભીર હાલત જોઈને તેમને પણ વેન્ટિલેટર પર રાખવામાં આવ્યા હતા. મહેશ બાબુનો પરિવાર તેની માતાની ખૂબ નજીક હતો. મહેશના પિતા કૃષ્ણાએ ઈન્દિરા દેવીને છૂટાછેડા આપીને ફરીથી લગ્ન કર્યા હતા. માતા પહેલા મહેશના મોટા ભાઈ રમેશ બાબુનું પણ જાન્યુઆરીમાં અવસાન થયું હતું.

દરેક લેટેસ્ટ News અને Videos માટે લાઈક કરો