ટીમ ઈન્ડિયાના પૂર્વ કેપ્ટન વિરાટ કોહલીનું વર્તમાન ફોર્મ હાલમાં ક્રિકેટ જગતમાં સૌથી વધુ ચર્ચાનો વિષય બની ગયું છે. ભૂતપૂર્વ ક્રિકેટરોથી લઈને પ્રશંસકો અને ટીમ મેનેજમેન્ટ આ વિશે વાત કરી રહ્યા છે. પ્લેઈંગ-11માંથી વિરાટ કોહલીને બહાર કરવાની માંગ થઈ રહી છે, પરંતુ હવે પૂર્વ ક્રિકેટર સુનીલ ગાવસ્કરે વિરાટનું સમર્થન કર્યું છે.
વિરાટ કોહલીના વર્તમાન ફોર્મને લઈને પૂર્વ ભારતીય કેપ્ટન સુનીલ ગાવસ્કરે કહ્યું, ‘જ્યારે રોહિત શર્મા રન નથી બનાવતો ત્યારે કોઈ વાત કરતું નથી, અથવા જ્યારે બીજો બેટ્સમેન રન નથી બનાવતો ત્યારે કોઈ વાત કરતું નથી. તમે માત્ર ફોર્મની વાત કરી રહ્યા છો, જે રીતે ટીમ અત્યારે રમી રહી છે, તમે ઘણી વખત નિષ્ફળ થઈ શકો છો.
સુનીલ ગાવસ્કરે કહ્યું કે વર્લ્ડ કપ માટે ટીમની જાહેરાત કરવામાં હજુ બે મહિનાનો સમય છે, તેથી પસંદગી સમિતિ તમારી સાથે છે અને ટીમની જાહેરાત કરતા પહેલા દરેક વસ્તુની ચકાસણી કરવામાં આવશે. હવેથી તેના વિશે વાત કરવી યોગ્ય નથી, થોડો સમય આપવો જોઈએ.
તમને જણાવી દઈએ કે હાલમાં જ કપિલ દેવનું વિરાટ કોહલી વિશે નિવેદન આવ્યું હતું, જેમાં તેમણે કહ્યું હતું કે માત્ર ખેલાડીના નામથી ન જવું જોઈએ, પરંતુ વર્તમાન ફોર્મને પણ જોવું જોઈએ. કપિલ દેવના નિવેદન બાદ જ આ મુદ્દે જોરદાર ચર્ચા શરૂ થઈ ગઈ છે.
વિરાટ કોહલીના બેટમાં છેલ્લા ત્રણ વર્ષથી સદી નથી નીકળી. નવેમ્બર 2019માં વિરાટ કોહલીએ છેલ્લી આંતરરાષ્ટ્રીય સદી ફટકારી હતી, પરંતુ છેલ્લા કેટલાક સમયથી તે મોટો સ્કોર પણ કરી શક્યો નથી. વિરાટ કોહલીએ ઈંગ્લેન્ડ સામેની T20 સીરીઝની બે મેચમાં માત્ર 12 રન જ બનાવ્યા છે. આ જ કારણ છે કે રોહિત શર્માને પ્લેઈંગ-11માંથી બહાર કરવાની માંગ થઈ રહી છે.
જોકે, આ ચર્ચા વચ્ચે કેપ્ટન રોહિત શર્માએ સ્પષ્ટ કર્યું છે કે ટીમ મેનેજમેન્ટ બહારની ચર્ચા પર ધ્યાન નથી આપી રહ્યું અને વિરાટ કોહલી ટીમના પ્લાનિંગનો એક ભાગ છે અને અમને તેની ગુણવત્તા પર પૂરો વિશ્વાસ છે.