સુપ્રીમ કોર્ટનો ઐતિહાસિક નિર્ણય, અપરિણીત મહિલાઓને પણ મળ્યો Abortionનો અધિકાર

Supreme Court

સુપ્રીમ કોર્ટે એક ઐતિહાસિક નિર્ણયમાં સ્પષ્ટ કર્યું છે કે તમામ મહિલાઓને સુરક્ષિત, કાયદેસર ગર્ભપાતનો અધિકાર છે. માત્ર પરિણીત જ નહીં, અપરિણીત મહિલાઓ પણ 24 અઠવાડિયા સુધીનો ગર્ભપાત કરાવી શકે છે. એટલે કે હવે લિવ-ઈન રિલેશનશીપ અને સહમતિથી બનેલા સંબંધોથી ગર્ભવતી મહિલાઓ પણ ગર્ભપાત કરાવી શકશે.

પ્રેગ્નન્સી એક્ટ 3-B ની સમજૂતી
આજે સુપ્રીમ કોર્ટે મેડિકલ ટર્મિનેશન ઓફ પ્રેગ્નન્સી એક્ટ 3-બીનું અર્થઘટન કર્યું છે. કોર્ટે સ્પષ્ટ કર્યું કે સુધારા બાદ આ કાયદો માત્ર પરિણીત મહિલાઓ પૂરતો મર્યાદિત નથી. અગાઉ, સામાન્ય કિસ્સાઓમાં, 20 અઠવાડિયાથી વધુ અને 24 અઠવાડિયાથી ઓછા ગર્ભાવસ્થાના ગર્ભપાતનો અધિકાર અત્યાર સુધી ફક્ત પરિણીત મહિલાઓને જ હતો.

મામલો SC સુધી કેવી રીતે પહોંચ્યો?
આ મામલો 25 વર્ષની મહિલાની અરજી દ્વારા સુપ્રીમ કોર્ટમાં પહોંચ્યો હતો. આ મહિલાએ 23 સપ્તાહની પ્રેગ્નન્સીને ગર્ભપાત કરાવવાની પરવાનગી માંગી હતી. મહિલાએ કહ્યું કે તે પરસ્પર સંમતિથી ગર્ભવતી થઈ છે પરંતુ તે બાળકને જન્મ આપવા માંગતી નથી કારણ કે તેના જીવનસાથીએ લગ્ન કરવાની ના પાડી દીધી છે. પરંતુ દિલ્હી હાઈકોર્ટે આ વર્ષે 16 જુલાઈના રોજ અરજી ફગાવી દીધી હતી અને કહ્યું હતું કે અરજદાર અપરિણીત છે અને તે તેની સંમતિથી ગર્ભવતી થઈ છે. તે મેડિકલ ટર્મિનેશન ઑફ પ્રેગ્નન્સી રૂલ્સ, 2003 હેઠળની કોઈપણ જોગવાઈ હેઠળ આવતી નથી. આ પછી યુવતીએ રાહત માટે સુપ્રીમ કોર્ટનો સંપર્ક કર્યો હતો. 21 જુલાઈના રોજ આપવામાં આવેલા વચગાળાના આદેશમાં, સુપ્રીમ કોર્ટે મહિલાને રાહત આપતા ગર્ભપાતની મંજૂરી આપી, પરંતુ આ કાયદાના અર્થઘટન સાથે સંબંધિત પાસાઓ પર સુનાવણી ચાલુ રાખી. આજે તેના પર સુપ્રીમ કોર્ટનો મોટો અને ઐતિહાસિક નિર્ણય આવ્યો છે.

વૈવાહિક બળાત્કાર પીડિતા પણ ગર્ભપાત કરાવી શકે છે
આ નિર્ણયમાં સુપ્રીમ કોર્ટે મહત્વનો ચુકાદો આપ્યો છે. કોર્ટે સ્પષ્ટ કર્યું છે કે જો કોઈ પરિણીત મહિલા સંમતિ વિના બનેલા સંબંધને કારણે ગર્ભવતી બને છે તો તેને મેડિકલ ટર્મિનેશન ઑફ પ્રેગ્નન્સી એક્ટ હેઠળ બળાત્કાર તરીકે પણ ગણવામાં આવશે. એટલે કે, આ અર્થમાં, તેને પણ ગર્ભપાત કરવાનો અધિકાર હશે.

દરેક લેટેસ્ટ News અને Videos માટે લાઈક કરો