ગ્રહોના રાજા સૂર્ય કર્ક રાશિમાં પ્રવેશી રહ્યો છે. આ રાશિમાં સૂર્યનો સંયોગ રાહુ અને બુધ સાથે થશે. રાહુની સાથે સૂર્યના સંયોગથી ગ્રહણ યોગ બનશે જ્યારે બુધ પણ સાથે હોવાથી બુધાદિત્ય યોગનું નિર્માણ થશે. આવી રીતે એક શુભ અને એક અશુભ યોગ બનશે. સૂર્યનું આ રાશિમાં આવવાથી મંગળની પણ આના પર દ્રષ્ટિ રહેશે. મંગળ અને કેતુની સાથે સૂર્યનો સમસપ્તક યોગ બનશે. સંક્રાંતિનો પુણ્યકાળ બપોર બાદ હશે. કેમ કે સૂર્ય રાતમાં કર્ક રાશિમાં આવી રહ્યો છે.
મેષ.
સૂર્ય તમારી રાશિના ચોથા ભાવમાં ગોચર કરશે. આ ગોચર તમારા માટે મિશ્રિત ફળદાયી રહેશે. આ દરમિયાન તમારે પારિવારિક સમસ્યાઓનો સામનો કરવો પડી શકે છે. કાર્યક્ષેત્રમાં પ્રગતિ અને લાભ થશે. વિદ્યાર્થીઓ માટે આ ગોચર લાભ લઈને આવશે. શિક્ષણ ક્ષેત્રમાં સારાં પરિણામ પ્રાપ્ત થશે. જીવન સાથીના સ્વાસ્થ્યનું ધ્યાન રાખવું પડશે.
વૃષભ.
સૂર્ય તમારી રાશિના ત્રીજા ભાવમાં ગોચર કરી રહ્યો છે. તમારા સાહસ અને આત્મવિશ્વાસમાં વૃદ્ધિ થશે. આ દરમિયાન ભાઈ-બહેન સાથે મતભેદ થઈ શકે છે. નોકરી કરનાર લોકોને બહુ લાભ મળશે. પ્રેમના મામલે સંયમ અને સમજદારીથી કામ લેવું પડશે. સંતાન પક્ષથી ખુશી મળી શકે છે.
મિથુન.
સૂર્ય તમારી રાશિના બીજા ભાવમાં ગોચર કરી રહ્યો છે. આ દરમિયાન તમારી ભાષા પર સંયમ રાખવો, નહીંતર નુકસાન થઈ શકે છે. જીવનસાથી તરફથી તમને લાભ મળશે. કોઈ કાનૂની વિવાદમાં ફેસલો તમારા પક્ષમાં આવી શકે છે. વિવાહિત હોવ તો જીવનસાથીના સ્વાસ્થ્યનું ખાસ ધ્યાન રાખવું. આર્થિક સ્થિતિ સંતુલિત રાખી શકશો.
કર્ક.
સૂર્ય તમારી રાશિમાં ગોચર કરી રહ્યો છે. આ ગોચર તમારા માટે મિશ્રિત ફળદાયી રહેશે. આ દરમિયાન શત્રુઓ પર તમારો વિજય થશે. કોર્ટ-કચેરીના મામલે પણ તમારો વિજય થશે. નવો વ્યવસાય શરૂ કરવા વિશે વિચારી શકો છો. કાર્યક્ષેત્રમાં ઉચ્ચ અધિકારીઓનો પૂરો સહયોગ મળશે. જોખમ લેવાથીં તમારે બચવું પડશે નહીંતર દુર્ઘટના સર્જાઈ શકે છે.
સિંહ.
સૂર્ય તમારી રાશિના બારમા ભાવમાં ગોચર કરી રહ્યો છે. આ દરમિયાન તમારા સ્વાસ્થ્યનું ખાસ ધ્યાન રાખવું. શક્ય હોય તો સમયસર સ્વાસ્થ્યની તપાસ કરાવતા રહેવું. તમારા વ્યવસાય માટે તમારે મહેનત કરવી પડી શકે છે, ત્યારે જ તમને લાભ થશે. પરિવાર તરફથી પૂરો સપોર્ટ મળશે. આર્થિક લાભ થવાથી મન પ્રફુલ્લિત રહેશે.
કન્યા.
સૂર્ય તમારી રાશિના અગ્યારમા ભાવમાં ગોચર કરી રહ્યો છે. આ દરમિયાન વિદેશ જવાની પૂરી સંભાવના દેખાઈ રહી છે. તમને આર્થિક લાભ થશે. નોકરી વ્યવસાયમાં તમારા અધિકારીઓ સાથે તાલમેલ બનાવી રાખશો તો જ લાભ અને પ્રતિષ્ઠા પ્રાપ્ત કરી શકશો. વિદેશ વ્યાપારથી તમને ફાયદો થશે. ઑફિસ અને કાર્યક્ષેત્રમાં તમારું પ્રમોશન શક્ય છે.
તુલા.
સૂર્ય તમારી રાશિના 10મા ભાવમાં ગોચર કરી રહ્યો છે. જે તમારા માટે બહુ શુભ રહેશે. કાર્યક્ષેત્રમાં પ્રગતિ થવાના સંકેત છે. સરકારની કોઈ કાર્યયોજનાથી તમને લાભ મળશે. પરિવારનો પૂરી રીતે સપોર્ટ મળશે. કાર્યક્ષેત્રમાં પ્રમોશન મળી શકે છે અથવા તમને કોઈ અન્ય શુભ સમાચાર મળવાના યોગ બની રહ્યા છે. સંતાન તરફથીં કોઈ શુભ સમાચાર મળી શકે છે.
વૃશ્ચિક.
ગોચરના સમયગાળા દરમિયાન તમે કોઈ લાંબી યાત્રા પર જઈ શકો છો. તમારા માટે આ યાત્રા ફાયદાકારક સાબિત થઈ શકે છે. કાનૂની મામલે ફેસલો તમારા હકમાં આવી શકે છે. શત્રુઓને પરાજિત કરવામાં પણ સફળ થશો. સરકાર તરફથી તમને લાભ મળશે. સમાજમાં તમારી છબી સુધરશે. વ્યવસાય પર તમારે ધ્યાન દેવાની જરૂરત છે.
ધન.
આ ગોચર તમારી રાશિ માટે મિશ્રિત ફળદાયી હશે. સૂર્ય તમારી રાશિના આઠમાં ભાવમાં ગોચર કરશે. આ દરમિયાન સ્વાસ્થ્ય પર વિશેષ ધ્યાન દેવું પડશે. તમારી મહેનત અને લગનથી અધૂરાં કામ પૂરાં કરી શકશો. કાર્યક્ષેત્રમાં અધિકારીઓ પાસેથી સહયોગ અને લાભ પ્રાપ્ત કરી શકશો. માન-પ્રતિષ્ઠાનો લાભ મળશે.
મકર.
તમારા માટે આ ગોચર લાભદાયક સાબિત થઈ શકે છે. સૂર્ય તમારી રાશિના સાતમા ભાવમાં ગોચર કરી રહ્યો છે. આ દરમિયાન તમે વિરોધીઓ પર હાવી થઈ થશો અને તમે આ દરમિયાન જૂનું ઉધાર પણ ચૂકવી દેશો. વૃદ્ધ મહિલાઓના સહયોગથી તમારાં બગડેલાં કામ બનતાં જશે. કાર્યક્ષેત્રમાં તમારો ઉત્સાહ જોવા મળશે. સ્વાસ્થ્યનું ધ્યાન રાખવું, યાત્રા પર જઈ શકો છો.
કુંભ.
કુંભ તમારી રાશિના છઠ્ઠા ભાવમાં ગોચર કરશે. વિદ્યાર્થીઓ માટે આ સમય બહુ સારો છે. આ દરમિયાન કેટલીય પ્રતિયોગીતામાં વિજેતા બનવાનો મોકો મળશે. જીવનસાથીના સ્વાસ્થ્ય પર ધ્યાન દેવાની જરૂરત રહેશે. નોકરી કરતા લોકો માટે આ સમય અનુકૂળ છે, નોકરી પરિવર્તનના યોગ બનેલા છે. વ્યવસાયમાં ભાગીદારીથીં લાભ થશે.
મીન.
સૂર્ય તમારી રાશિના પાંચમાં ભાવમાં ગોચર કરશે. નોકરીમાં ટ્રાન્સફર થવાની પૂરી સંભાવના છે. જીવનસાથી સાથેના સંબંધોમાં મીઠાશ આવશે. સમાજમાં માન-સમ્માન વધશે. સંતાનોના ભવિષ્યને લઈને ચિંતા થઈ શકે છે. તમારે વધુ મહેનત કરવાની જરૂર છે. કાનૂની મામલાઓમાં ફેસલા તમારા હકમાં આવી શકે છે.