ગાયને કપડાંની દુકાન સાથે થઇ ગયો પ્રેમ, દરરોજ આવીને બેસે છે ગાદલા ઉપર, જોઈ લો વીડિયોમાં…
આપણા દેશમાં ગાયને ભગવાનનો દરજ્જો આપવામાં આવ્યો છે. ભારતમાં ઘણા લોકો ગાયને માતા તરીકે સંબોધન કરે છે. ગાયને હિન્દુ ધર્મમાં એક પવિત્ર પ્રાણી માનવામાં આવે છે. લોકો ગાયની પૂજા પણ કરે છે. ઘણા લોકો માને છે કે ગાયને રોટલી ખવડાવવી, તેની પાણી આપવું કે ઘરે તેનો ઉછેર કરવો ખૂબ જ શુભ છે. ગાય એક એવું પ્રાણી છે જેને આપણે ભારતીય રસ્તાઓ પર સરળતાથી જોઇ શકીએ છીએ. ગાય સામાન્ય રીતે શેરીઓમાં ફરતી હોય છે. સામાન્ય રીતે તે કોઈના ઘર અથવા દુકાનની અંદર આવી જતી નથી. જો કે આજે અમે તમને એવી ગાયનો પરિચય આપવા જઈ રહ્યા છીએ, જે કપડાની દુકાનના પ્રેમમાં પડી ગઈ છે. વાત એવી છે કે આ ગાય દરરોજ કપડાની દુકાન પર જાય છે. ચાલો આપણે આ આખી બાબતને વધુ વિગતવાર જાણીએ.
હકીકતમાં આ દિવસોમાં એક વીડિયો ઇન્ટરનેટ પર ખૂબ વાયરલ થઈ રહ્યો છે. આ વીડિયોમાં ગાય દુકાનની અંદરના ગાદલા પર આરામ કરતી જોવા મળી રહી છે. મળતી માહિતી મુજબ આ વીડિયો આંધ્રપ્રદેશના મયડુકુરનો છે. આ ગાય દરરોજ દુકાન પર આવે છે અને 2 થી 3 કલાક બેસે છે. રસપ્રદ વાત એ છે કે દુકાનના માલિકને ગાયના આગમન સાથે કોઈ સમસ્યા નથી. તેના બદલે, જ્યારે ગાય દુકાનની અંદર આવે છે, ત્યારે માલિક તેના માટે ખાસ ગાદલું અથવા બેડશીટ સેટ કરે છે. પછી ગાય તેની ઉપર બેસે છે.
દુકાનના માલિકનું કહેવું છે કે ગાય કોઈને નુકસાન કરતી નથી. તે દુકાનની અંદર કોઈ ગડબડી પણ કરતી નથી. જ્યારે પણ ગાય આવે છે ત્યારે દુકાનનો માલિક તેને ખવડાવે છે અને તેની પૂજા પણ કરે છે. ગાયના આગમનથી દુકાનદારને ફાયદો પણ થયો છે. હવે આ ગાયને દુકાનની અંદર જોતાં ગ્રાહકોની રુચિ વધે છે અને તેઓ વારંવાર દુકાનમાં આવે છે. આ રીતે દુકાનનો માલિક અને ગાય બંને ખુશ છે.
આ સમાજમાં મનુષ્ય અને પ્રાણીઓ કેવી રીતે એક સાથે રહી શકે છે તેનું આ ખૂબ સારું ઉદાહરણ છે. ગાયને શાંત પ્રાણી માનવામાં આવે છે. સામાન્ય રીતે તે કોઈને નુકસાન કરતી નથી. ગાયની સેવા કરવામાં પણ તેનું પોતાનું સુખ છે. આ જોઈને મનને વિવિધ પ્રકારની શાંતિ પણ મળે છે.