નાર્કોટિક્સ કંટ્રોલ બ્યુરો (એનસીબી) આજે ડ્રગ્સના કેસમાં અભિનેત્રી દીપિકા પાદુકોણની પૂછપરછ કરી રહી છે. દીપિકા પાદુકોણને એનસીબી દ્વારા આજે સવારે 10 વાગ્યે એનસીબીના ગેસ્ટ હાઉસ ખાતે પૂછપરછ માટે બોલાવવામાં આવી હતી અને દીપિકા સવારે 9.48 વાગ્યે એનસીબી ગેસ્ટહાઉસ પહોંચી હતી. એનસીબીના ગેસ્ટ હાઉસ પહોંચતા દીપિકાએ મીડિયા કર્મચારીઓને ટાળવા મિનિ એસયુવીનો ઉપયોગ કર્યો હતો. જેથી મીની એસયુવી જોઈને કોઈ શંકા ન રહે કે દીપિકા તેમાં છે અને તે સરળતાથી ગેસ્ટ હાઉસ પહોંચી શકે છે.
મીડિયા કર્મીઓ આજ સવારથી અભિનેત્રીના ઘરની બહાર ઉભા હતા. આવી સ્થિતિમાં મીડિયાને ટાળવા માટે દીપિકાએ ઘરની બહાર નીકળવાનો બીજો રસ્તો શોધી કાઢ્યો અને મીડિયાને કહ્યા વિના એનસીબી ઓફિસ પહોંચી. એવું કહેવામાં આવી રહ્યું છે કે દીપિકા રાત્રે રણવીર સિંહ સાથે 5 સ્ટાર હોટલમાં રોકાવા ગઈ હતી. જ્યાં તે વકીલોને પણ મળી હતી. આ 5 સ્ટાર હોટેલ એનસીબી ઓફિસની નજીક છે. તે જ સમયે, દીપિકા અને રણબીર સિંહ હોટેલમાં હોવા અંગે મીડિયાને જાણ નહોતી. જેને કારણે મીડિયા સવારથી જ તેમના ઘરની બહાર ઉભી હતી. તે જ સમયે, જ્યારે દીપિકા એનસીબી ઓફિસ પર પહોંચી ત્યારે તે મોટી કારને બદલે મીની એસયુવીમાં આવી હતી.
એનસીબી ઓફિસ પહોંચ્યા બાદ દીપિકા કારમાંથી ઉતરતી જોવા મળી હતી. દીપિકાની બોડી લેંગ્વેજ જુદી હતી અને તે એકદમ કૉન્ફિડન્ટ લાગી રહી હતી. દીપિકા એકલા એનસીબી ઓફિસ આવી છે અને જ્યાં તેની પૂછપરછ કરવામાં આવી રહી છે. ખરેખર દીપિકાના પતિ રણવીરસિંહે એનસીબીને દીપિકા સાથે પૂછપરછમાં સામેલ થવા માટે વિનંતી કરી હતી પરંતુ એનબીસીએ સ્પષ્ટ ના પાડી હતી.
મહત્વનું છે કે, એનસીબીએ અભિનેત્રી દીપિકા પાદુકોણને સમન્સ જારી કર્યું હતું અને આજે તેમને પૂછપરછ માટે બોલાવવામાં આવી હતી. ખરેખર, દીપિકા અને તેના મેનેજર કરિશ્માની કેટલીક ચેટ એનસીબી પાસે હતી. જેમાં તે બંને ડ્રગ્સની વાતો કરતા હતા. આ ચેટને આધારે દીપિકાને પૂછપરછ માટે બોલાવવામાં આવી છે. દીપિકા ઉપરાંત આજે એનસીબીએ સારા અલી ખાન અને શ્રદ્ધા કપૂરને પણ પૂછપરછ માટે બોલાવ્યા છે.