ઐતિહાસિક રીતે તુર્કીમાં એક મહત્વપૂર્ણ શોધ કરવામાં આવી છે. પૂર્વી તુર્કીના વાન જિલ્લામાં એક પ્રાચીન કિલ્લાના ખોદકામમાં પુરાતત્વવિદોને એક મંદિર મળ્યું છે. આ મંદિરનો સંબંધ રાજા મિનુઆ સાથે જણાવવામાં આવી રહ્યો છે. રાજ મિનુઆનું બીજું મંદિર પણ પુરાતત્વવિદોએ અગાઉ શોધી કાઢ્યું હતું.
ખરેખરમાં તુર્કીમાં એક પ્રાચીન કિલ્લાનું ખોદકામ ચાલી રહ્યું છે. આ કિલ્લો 8મી સદી પૂર્વે રાજા મિનુઆ દ્વારા બનાવવામાં આવ્યો હતો. આ કિલ્લાનું આધુનિક નામ ‘Körzüt’ છે.
તુર્કી સરકારની મંજૂરી બાદ ખોદકામનું કામ કરવામાં આવી રહ્યું છે
તુર્કીના સંસ્કૃતિ અને પર્યટન મંત્રાલયની પરવાનગી બાદ આ કિલ્લાને વેન મ્યુઝિયમ દ્વારા ખોદવામાં આવી રહ્યું છે. ખોદકામ દરમિયાન ઘણી મહત્વની વસ્તુઓ મળી આવી છે.
વેન યુઝુંકુ યિલ યુનિવર્સિટીના પુરાતત્વ વિભાગના પ્રોફેસર સબાહતિન અર્દોઆનના નેતૃત્વમાં ખોદકામનું આ કાર્ય કરવામાં આવી રહ્યું છે. આ કામ માટે તુર્કી સરકાર ફંડ પણ આપી રહી છે. જોકે શિયાળાને જોતા કિલ્લામાં ખોદકામનું કામ હંગામી ધોરણે બંધ કરી દેવામાં આવ્યું છે.
કેવું છે પ્રાચીન મંદિર?
પુરાતત્વવિદો દ્વારા શોધાયેલ આ મંદિર કોર્બલિંગ ટેકનિકથી બનાવવામાં આવ્યું હતું. તેમાં માટીકામના ટુકડા અને ધાતુની વસ્તુઓ પણ મળી આવી છે.
અર્દોઆને કહ્યું, ‘અમને લાગે છે કે મંદિર રાજા મિનુઆએ બનાવ્યું હતું. અમને મંદિરની નજીક એક કબર પણ મળી છે. આ વિસ્તારમાંથી મોટી સંખ્યામાં પ્રાચીન સમયના વાસણો પણ મળી આવ્યા છે. જે વાસણો મળી આવ્યા છે તે આધેડ યુગના છે. કિલ્લાની બહાર એક કબ્રસ્તાન પણ મળી આવ્યું છે.
