ટ્વિટરે કરી રાહુલ ગાંધી પર કાર્યવાહી, હટાવી દીધું આ વિવાદાસ્પદ ટ્વિટ, જાણો શું છે કારણ

કોંગ્રેસ નેતા રાહુલ ગાંધી (Rahul Gandhi) પર કાર્યવાહી કરતા માઈક્રોબ્લોગિંગ સાઈટ ટ્વિટરે (Twitter) તેમનું વિવાદાસ્પદ ટ્વિટ હટાવી દીધું છે. ખરેખર, દિલ્હીમાં સગીર પર દુષ્કર્મ અને હત્યા (Rape & Murder) ની ઘટના બાદ રાહુલ ગાંધી પીડિત પરિવારને મળ્યા હતા. આ બેઠક બાદ તેણે પોતાના ટ્વિટર હેન્ડલ પરથી એક ફોટો શેર કર્યો હતો, જેમાં પીડિતાના માતા -પિતા પણ જોવા મળ્યા હતા. આ અંગે હંગામો થયો હતો.

NCPCR એ કરી હતી ફરિયાદ

દુષ્કર્મ પીડિતાના પરિવારની ઓળખ છતી કરવા માટે રાહુલ ગાંધી (Rahul Gandhi) ની આખા દેશમાં ટીકા થઈ રહી હતી. આ સંદર્ભે, નેશનલ કમિશન ફોર પ્રોટેક્શન ઓફ ચાઇલ્ડ રાઇટ્સ (એનસીપીસીઆર) દ્વારા ટ્વિટર (Twitter) પર ફરિયાદ કરતી વખતે કોંગ્રેસ નેતા વિરુદ્ધ કાર્યવાહીની માંગ કરવામાં આવી હતી. જે બાદ ટ્વિટરે હવે રાહુલ ગાંધીનું વિવાદાસ્પદ ટ્વિટ (Controversial Tweet) હટાવી દીધું છે.

Twitter appears to have taken down Congress leader Rahul Gandhi’s tweet for revealing victim's identity in alleged rape & murder case of minor in Delhi pic.twitter.com/MAH8OmSRbi

— ANI (@ANI) August 6, 2021

આ કાયદાઓનું કર્યું ઉલ્લંઘન

કમિશન દ્વારા ટ્વિટર ઈન્ડિયાના ફરિયાદ અધિકારીને લખેલા પત્રમાં કહેવામાં આવ્યું હતું કે ટ્વિટર પર કોઈપણ સગીર પીડિતની કુટુંબની ફોટો કિશોર ન્યાય એક્ટ, 2015 ની કલમ 74 અને બાળ જાતીય ગુના નિવારણ અધિનિયમ (POCSO) ની કલમ 23 નું ઉલ્લંઘન છે. આ ફરિયાદ પત્ર પછી પગલાં લેતા માઇક્રોબ્લોગિંગ સાઇટ ટ્વિટરે ગાંધીનું ટ્વિટ હટાવી દીધું છે.

શું છે સમગ્ર મામલો?

કોંગ્રેસના નેતાએ વિવાદાસ્પદ ફોટા સાથે ટ્વિટ કરીને કહ્યું હતું કે માતા -પિતાના આંસુ માત્ર એક જ વાત કહી રહ્યા છે – તેમની પુત્રી, દેશની પુત્રી ન્યાયની હકદાર છે. અને ન્યાય માટે આ માર્ગ પર તેમની સાથે છું. નોંધનીય છે કે તાજેતરમાં જ દિલ્હીના કેન્ટ વિસ્તારમાં 9 વર્ષની બાળકીનું શંકાસ્પદ સંજોગોમાં મોત થયું હતું. બાળકી પર દુષ્કર્મનો આરોપ છે. તેના માતાપિતાએ આરોપ લગાવ્યો છે કે દક્ષિણ -પશ્ચિમ દિલ્હીના જૂના નાંગલ ગામના સ્મશાન ભૂમિના પૂજારીએ તેમની સંમતિ વિના બાળકીના અંતિમ સંસ્કાર કર્યા હતા. પોલીસે પુજારી સહિત ચાર લોકોની ધરપકડ કરી છે. રાહુલ ગાંધીએ 4 ઓગસ્ટે પીડિત પરિવારને મળ્યા હતા.