કેન્દ્રીય શિક્ષણ મંત્રાલયે 12મા ધોરણના રાજકીય વિજ્ઞાનના પ્રશ્નપત્રમાં ‘કોંગ્રેસ પાર્ટીની સિદ્ધિઓ’ વિશે પ્રશ્ન પૂછવા માટે રાજસ્થાન સરકારના શિક્ષણ વિભાગને પત્ર લખ્યો છે. પોલિટિકલ સાયન્સના પ્રશ્નપત્રમાં 6 પ્રશ્નો પૂછવામાં આવ્યા છે.
કેન્દ્રીય શિક્ષણ મંત્રાલય દ્વારા રાજસ્થાનના શિક્ષણ વિભાગને લખવામાં આવેલા પત્રમાં કહેવામાં આવ્યું છે કે મીડિયાના એક વિભાગમાં પ્રશ્નપત્રની સંબંધિત નકલો સાથે સમાચાર પ્રકાશિત કરવામાં આવ્યા છે. આ સમાચાર અંગે રાજ્ય સરકારની ટિપ્પણીઓ અને સંબંધિત માહિતી વિભાગને મોકલી શકાય છે.
ભાજપે સાધ્યું નિશાન
આ સાથે જ ભાજપે આ મુદ્દે રાજસ્થાનના મુખ્યમંત્રી અશોક ગેહલોત પર નિશાન સાધ્યું છે. પાર્ટીએ ટ્વીટ કર્યું છે કે, પોલિટિકલ સાયન્સનું આ પ્રશ્નપત્ર જોયા બાદ ઘણા વિદ્યાર્થીઓને એ પણ સમજાતું નથી કે આ પરીક્ષા પોલિટિકલ સાયન્સની હતી કે કોંગ્રેસના ઈતિહાસની.
રાજસ્થાનમાં ચાલી રહી છે પરીક્ષાઓ
જણાવી દઈએ કે રાજસ્થાનમાં બોર્ડની પરીક્ષાઓ ચાલી રહી છે. 21મી એપ્રિલે પોલિટિકલ સાયન્સની પરીક્ષામાં 23 પ્રશ્નો પૂછવામાં આવ્યા હતા. જેમાંથી 6 પ્રશ્નો કોંગ્રેસ પક્ષને લગતા હતા. આ પ્રશ્નોમાં કોંગ્રેસ પાર્ટીના ઈતિહાસ અને સિદ્ધિઓને લગતા પ્રશ્નો પૂછવામાં આવ્યા હતા. આ પછી પેપર વાયરલ થયું હતું. જે બાદ રાજસ્થાન ભાજપે ગેહલોત સરકાર પર સવાલો ઉઠાવ્યા હતા. ભાજપે કહ્યું કે આ કોઈ પ્રશ્ન નથી, પરંતુ પાર્ટીના વખાણ કરાવવામાં આવી રહ્યા છે.