માનનીય મોદી દ્વારા ગુજરાતને મળી એક અદભુત ટ્રેનની ભેટ જેણે તોડ્યો બુલેટ ટ્રેનનો પણ રેકોર્ડ

બે દિવસથી વડાપ્રધાન મોદી ગુજરાતની મુલાકાતે છે. આજે પ્રવાસના બીજા દિવસે તેમણે ગુજરાતને એક મોટી ભેટ આપી છે. PM મોદીએ સવારે 10.30 વાગ્યે ગાંધીનગર અને મુંબઈ સેન્ટ્રલ વચ્ચે સ્વદેશી હાઇ-સ્પીડ વંદે ભારત એક્સપ્રેસના નવા અને અપગ્રેડેડ વર્ઝનને લીલી ઝંડી બતાવી હતી. આ દેશની ત્રીજી વંદે ભારત એક્સપ્રેસ ટ્રેન હશે. આ સાથે ગાંધીનગર અને મુંબઈ સેન્ટ્રલ વચ્ચેની 500 કિમીની સફર 5 કલાક 10 મિનિટમાં પૂર્ણ થશે. ઉદ્ઘાટન બાદ 30 સપ્ટેમ્બરથી જ લોકો આ ટ્રેનમાં મુસાફરી કરી શકશે.

વંદે ભારત ટ્રેનના ઉદ્ઘાટન પ્રસંગે પીએમ મોદી ગાંધીનગરથી કાલુપુર રેલ્વે સ્ટેશન પણ જશે. જ્યારે બપોરે 12 વાગ્યે અમદાવાદ મેટ્રો પ્રોજેક્ટના પ્રથમ તબક્કાનું ઉદ્ઘાટન કરશે. આ ઉપરાંત વડાપ્રધાન ભાવનગરમાં વિશ્વના પ્રથમ CNG ટર્મિનલનો શિલાન્યાસ પણ કરશે. ગુજરાતમાં આ વર્ષે વિધાનસભાની ચૂંટણી યોજાવા જઈ રહી છે. તેથી એવું માનવામાં આવે છે કે ચૂંટણી પહેલા પીએમ મોદી દ્વારા રાજ્યની જનતાને વંદે ભારત ટ્રેનના રૂપમાં નવી કનેક્ટિવિટીની ભેટ આપવામાં આવી રહી છે.

વંદે ભારત ટ્રેનની ખાસિયત:

આ ટ્રેન માત્ર 52 સેકન્ડમાં બુલેટ ટ્રેન કરતા 0-100 વધુ ઝડપી એક્સિલરેશન પકડી લે છે અને તે એક્સિલરેશનમાં 3 સેકન્ડ આગળ છે. બુલેટ ટ્રેનને 0-100ની સ્પીડ સુધી પહોંચવામાં 55 સેકન્ડ લાગે છે.

વંદે ભારત એક્સપ્રેસ તેની ઝડપ, સલામતી અને સેવા માટે જાણીતી છે. વંદે ભારત એક્સપ્રેસ મહત્તમ 160 કિમી પ્રતિ કલાકની ઝડપે દોડી શકે છે. તેમાં શતાબ્દી ટ્રેન જેવા ટ્રાવેલ ક્લાસ છે જે મુસાફરોને સારી સેવા પૂરી પાડે છે.

તમામ કોચમાં ઓટોમેટિક દરવાજા, જીપીએસ આધારિત ઓડિયો-વિઝ્યુઅલ પેસેન્જર ઇન્ફોર્મેશન સિસ્ટમ, મનોરંજન માટે ઓનબોર્ડ હોટસ્પોટ છે. Wi-Fi અને ખૂબ જ આરામદાયક બેઠક વિસ્તાર છે. એક્ઝિક્યુટિવ ક્લાસમાં ફરતી ખુરશીઓ અને બાયો-વેક્યુમ શૌચાલય પણ છે.

પહેલાની સરખામણીમાં કયા નવા ફેરફારો છે?

સીટોને પહેલા કરતા વધુ કમ્ફર્ટેબલ અને નરમ બનાવવામાં આવી છે. નવા વંદે ભારતમાં 1128 સીટો છે જેમાં 2 કોચમાં એક્ઝિક્યુટિવ ચેર છે.

નવા વંદે ભારતમાં આલાર્મ સિસ્ટમ કામ કરશે, જેમાં એક ટ્રેક પર બે ટ્રેન આવતાની સાથે જ બ્રેકિંગ સિસ્ટમ કામ કરશે. સુરક્ષાને ધ્યાનમાં રાખીને દરેક કોચમાં બે ઈમરજન્સી વિન્ડો પણ આપવામાં આવી છે,

દરેક કોચમાં 8 સીસીટીવી કેમેરા લગાવવામાં આવ્યા છે, જો કોઈ પણ પરીસ્થીમાં આગ લાગે તો એલાર્મ સિસ્ટમ કામ કરશે.વંદે ભારત ટ્રેન ઓટોમેટિક કામ કરશે. નવા વંદે ભારતને 6000 એચપીનો પાવર મળશે, જ્યારે નવા વંદે ભારતને 100 કિમીની સ્પીડ મળ્યા બાદ 12000 એચપીનો પાવર મળશે.

ડ્રાઇવર કેબિનમાં હાઇટેક ફિચર્સ છે, જ્યાં ડ્રાઇવરને ડિજિટલ મોડમાં તમામ માહિતી મળે છે. ડ્રાઇવર ટૉક બેક ડિવાઇસ દ્વારા પેસેન્જર અને પેસેન્જર ડ્રાઇવર સાથે વાત કરી શકશે.

દરેક લેટેસ્ટ News અને Videos માટે લાઈક કરો