સોશિયલ મીડિયાની દુનિયામાં લગ્નને લગતા વીડિયો સૌથી વધુ જોવામાં આવે છે અને અપલોડ કરવામાં આવે છે. તેમાંથી કેટલાક એવા પણ છે જે ખૂબ હસાવે છે તો ક્યારેક દુલ્હનની વિદાય સાથે જોડાયેલા વીડિયો તેમને ભાવુક કરી દે છે. જો કે અત્યારે જે વીડિયો સૌથી વધુ જોવામાં આવી રહ્યો છે તે આ બધા કરતા અલગ છે. આ વીડિયો દુલ્હનની વિદાય સાથે જોડાયેલો છે. પરંતુ તેમાં તે જે રીતે જોવા મળી રહી છે તે જોઈને હસવું રોકાશે નહીં.
આ રમુજી વિડીયો થોડા કલાકોમાં હજારો વખત જોવામાં આવ્યો છે અને સેંકડો લોકોએ તેના પર પ્રતિક્રિયા આપી છે. વીડિયો જોઈને ખબર પડે છે કે લગ્નને લગતી તમામ વિધિઓ પૂરી થઈ ગઈ છે અને કન્યા તેના સાસરે જઈ રહી છે. જ્યારે તેણી પાછળથી તેના પિતાનો અવાજ સાંભળે છે અને તે તેને મજાકમાં કહે છે કે, “છોકરી થોડુંક તો રડી લે” આ પછી વિડીયોમાં જે થાય છે તે ખૂબ જ રમુજી છે.
View this post on Instagram
તમે જોઈ શકો છો કે આ સાંભળીને દુલ્હન રડવાનો ડોળ કરવા લાગે છે અને આંસુ લૂછવા લાગે છે. આ બધું જોઈને આસપાસ હાજર મહેમાનો પણ પોતાનું હાસ્ય રોકી શક્યા નથી. વિડીયોના અંતે જે થાય છે તે વધુ રમુજી છે. તે વરરાજા પાસે પહોંચતાની સાથે જ ડાન્સ કરવાનું શરૂ કરે છે અને પછી કારમાં બેસીને તેના સાસરે જાય છે.