ગુજરાતના વડોદરાના પાદરા તાલુકામાં ડબકા ગામ આવેલું છે. અહીં તલિયા ભાથામાં થોડા દિવસોથી ઘણા ગ્રામજનો વૃક્ષો પર રહે છે. અહીં તેઓએ વૃક્ષો પર ખાટલા બાંધીને પથારીઓ બનાવી છે. આ ગ્રામજનોને એક આખલાએ આ રીતે જીવવા માટે મજબૂર કર્યા છે. આ આખલાનો આ વિસ્તારમાં આતંક છે. લોકો ઝાડ પર ચઢીને આ આખલાની હિલચાલ પર નજર રાખે છે.
આખલાના ગુસ્સાથી ડરીને ગ્રામજનોએ વૃક્ષો પર પોતાનો ખાટલો બાંધી દીધો છે. તેઓ દિવસ અને રાત્રે શાંતિથી સૂઈ શકે તે માટે ઝાડ પર બાંધેલા ખાટલાનો સહારો લે છે. ઘણા બાળકો પણ તેમના પિતા સાથે ઝાડ પર સૂતા જોવા મળે છે.
પશુઓને ચારો ખવડાવવા નથી જઈ શકતા લોકો
તળિયા ભાથા ગામ મહી નદીના કિનારે આવેલું છે. આખલાએ અહીં ઘણા લોકોને માર્યા છે અને ગંભીર રીતે ઘાયલ કર્યા છે. અહીં પશુઓ માટે સારો ચારો થાય છે. પશુપાલકો ઘાસના મેદાનોમાં તેમના ઢોરોને ચરાવવા માટે અહીં કામચલાઉ ઝૂંપડીઓ બાંધે છે, પરંતુ આ આખલાને કારણે અહીં તેમનું અહીં રહેવું મુશ્કેલ બની ગયું છે.
ઘણા લોકોને કર્યા ઘાયલ
અધિકારીઓને માહિતી આપતા નીતિન જાધવે જણાવ્યું હતું કે છેલ્લા 10 થી 15 દિવસમાં આખલાએ ત્રણથી ચાર લોકોના જીવ લીધા છે. જાધવના કહેવા પ્રમાણે, આખલો જોકે પસંદગીના લોકો પર હુમલો કરી રહ્યો છે. જાધવે કહ્યું કે બની શકે કે કેટલાક લોકોએ તેને નુકસાન પહોંચાડ્યું હશે, જેથી તે ગુસ્સામાં છે.