દિવાળી પર માથાભારે વ્યક્તિએ દે ધનાધન છોડ્યા લોકોના ઘરમાં રોકેટ, રૂંવાડા ઉભો કરતો વીડિયો

દિવાળીના અવસર પર ફટાકડા ફોડવા પર પ્રતિબંધ હોવા છતાં દિલ્હીમાં દરેક જગ્યાએ ફટાકડા ફોડતા જોવા મળ્યા હતા. પરંતુ મહારાષ્ટ્રમાં એક પાગલ વ્યક્તિએ ફટાકડા સાથે આવી જીવલેણ રમત રમી, જેનો વીડિયો જોઈને દરેક લોકો ગભરાઈ ગયા છે. વાયરલ થયેલી ક્લિપમાં યુવક જાણીજોઈને રહેણાંક મકાનને નિશાન બનાવીને તેના પર રોકેટ ફેંકતો જોવા મળે છે. આ રોકેટ લોકોના ઘરમાં ઘૂસ્યા બાદ ફૂટવા લાગ્યા કે તરત જ તેઓ ગભરાઈ ગયા. આ દરમિયાન કેટલાક લોકોએ એક પાગલનો વીડિયો બનાવીને સોશિયલ મીડિયા પર અપલોડ કર્યો હતો, જે હવે ઝડપથી વાયરલ થઈ રહ્યો છે. આ ભયાનક મામલો થાણે જિલ્લાના ઉલ્હાસનગરનો છે.

વાયરલ થઈ રહેલા વીડિયોમાં તમે જોઈ શકો છો કે એક યુવક રહેણાંક બિલ્ડિંગની નીચે ઊભો છે અને રોકેટ ફાયર કરી રહ્યો છે. પરંતુ રોકેટ બિલ્ડીંગમાં સીધા લોકોના ઘરોમાં ઘૂસતા જોવા મળે છે. કેમેરાનો એંગલ બદલ્યા બાદ ખબર પડે છે કે યુવક ભૂલથી નહીં પરંતુ જાણી જોઈને આવું કરી રહ્યો છે. વીડિયોમાં જોઈ શકાય છે કે અચાનક ઘરમાં ઘૂસી રહેલા રોકેટ અને ફાટવાને કારણે લોકો ગભરાઈ ગયા છે. વાયરલ ક્લિપ પરથી અંદાજ લગાવી શકાય છે કે માથાભારે યુવકે માત્ર પોતાનો જીવ જ નહીં પરંતુ અનેક લોકોના જીવ પણ જોખમમાં મૂક્યા છે.

उल्हासनगर के पुलिस इस अज्ञात युवक की तलाश में है, जो इमारत हीरा पना जो गोल मैदान के पास में फ्लैटों को निशाना बनाकर पटाखा चलाकर दहशत फैला रहा है उसका वीडियो वायरल होने के बाद आईपीसी की धारा 285, 286, 336 के तहत मामला दर्ज किया गया।#firecrackers #DiwaliFestival #Diwali pic.twitter.com/XuPJYVyfx3

— Satark Nagrik News (@satarknagnews) October 25, 2022

ચોંકાવનારો મામલો થાણેના ઉલ્હાસનગરનો છે. વાયરલ થયેલો વીડિયો જોઈને થાણે પોલીસ પણ ચોંકી ગઈ હતી. થાણે પોલીસ કમિશનરના આદેશ પર, ઉલ્હાસનગર પોલીસે કેસ નોંધીને પાગલની શોધ શરૂ કરી છે. યુવક વિરુદ્ધ કલમ 285, 286, 336 હેઠળ કેસ નોંધવામાં આવ્યો છે.