પિતા અને દીકરીનો સંબંધ દુનિયામાં સૌથી ખાસ અને અલગ હોય છે. કહેવાય છે કે દીકરાઓ માતાની નજીક હોય છે તો દીકરીઓ પિતાની નજીક હોય છે. તમે એ પણ જોશો કે દીકરીઓ તેમના પિતાનું ખુબ જ ધ્યાન રાખે છે, તેઓ તેમના વિશે ચિંતિત હોય છે, જે સામાન્ય રીતે દીકરાઓમાં જોવા મળતું નથી. તમે જોયું જ હશે કે જ્યારે લગ્ન પછી દીકરી પિતાથી છૂટી પડે છે ત્યારે માત્ર દીકરીઓ જ નથી રડતી પણ પિતાની આંખો પણ ભરાઈ આવે છે. આજકાલ સોશિયલ મીડિયા પર એક નાની બાળકીનો ખૂબ જ ઈમોશનલ વીડિયો વાયરલ થઈ રહ્યો છે, જેને જોઈને ચોક્કસ તમારી આંખોમાં આંસુ આવી જશે.
ખરેખરમાં આ વીડિયોમાં છોકરી રડી પડી અને તેના પિતા વિશે એવી વાતો કહે છે, જેને સાંભળીને માત્ર પિતાની જ નહીં પરંતુ કોઈની પણ આંખો ભીની થઈ જશે. વીડિયોમાં તમે જોઈ શકો છો કે છોકરી કેવી રીતે રડી રહી છે અને પહેલા તો તેના રડવાનું કારણ જણાવતી નથી, માત્ર એટલું જ કહે છે કે પહેલા કેમેરાનું રેકોર્ડિંગ બંધ કરો, પછી હું કહીશ. જોકે, માતાના કહેવા પર આખરે છોકરીએ તેના રડવાનું કારણ સમજાવ્યું. તે રડતાં રડતાં કહે છે કે ‘મને મારા પિતાની બહુ ચિંતા થાય છે. જ્યારે પણ તે દુકાને જાય છે સાંજ સુધી ખાતા નથી, ભૂખ્યા રહી કામ કરે છે. તેઓ રાત્રે ખાય છે પરંતુ સાંજે તેમનું પેટ ખાલી રહે છે? દુનિયાના દરેક બાળકને તેના પિતાની ચિંતા હોય છે, તેથી જ તે પાતળા થઈ જાય છે.
ये है पापा की रियल परी ….. pic.twitter.com/vaPGkTSzRW
— बिहार प्रारंभिक शिक्षक नियोजन (@btetctet) October 8, 2022
છોકરીએ પોતાના પિતા વિશે એવી ઘણી વાતો કહી છે, જેને સાંભળીને કોઈપણ વ્યક્તિ ભાવુક થઈ જાય છે. દીકરીનો આ ઈમોશનલ વીડિયો સોશિયલ મીડિયા પ્લેટફોર્મ ટ્વિટર પર @btetctet નામની આઈડી સાથે શેર કરવામાં આવ્યો છે અને કેપ્શનમાં લખ્યું છે, ‘યે હૈ પાપા કી રિયલ પરી’.
લગભગ 2 મિનિટના આ વીડિયોને અત્યાર સુધીમાં બે લાખ 69 હજારથી વધુ વખત જોવામાં આવ્યો છે, જ્યારે 12 હજારથી વધુ લોકોએ વીડિયોને લાઈક પણ કર્યો છે અને વિવિધ પ્રતિક્રિયાઓ પણ આપી છે. કોઈએ લખ્યું છે કે ‘દીકરીઓથી વધુ આ દુનિયામાં કંઈ નથી’ તો કોઈએ લખ્યું છે કે ‘માત્ર દીકરી જ આટલું વિચારી શકે છે’.