રેલવે પ્લેટફોર્મ પર ડાન્સ કરવા લાગી મહિલાઓ, ટ્રેનમાં બેઠેલા લોકો જોઈને વિચારમાં પડી ગયા

Indian Railways
By /

રેલ્વે મંત્રાલયે ટ્વિટર પર જબલપુર રેલ્વે સ્ટેશન પર એક મહિલા ગ્રુપના ડાન્સનો વીડિયો શેર કર્યો છે, જેમાં તમે જોઈ શકો છો કે ઘણા લોકો રેલ્વે પ્લેટફોર્મ પર એકસાથે ડાન્સ કરી રહ્યા છે. ઘણા લોકો જે ટ્રેનમાં બેઠા હતા અથવા પ્લેટફોર્મ પર હાજર હતા, તેઓ આ પ્રદર્શન જોઈને વિચારમાં પડી ગયા. હવે તમે વિચારતા હશો કે બધા લોકો રેલ્વે સ્ટેશન પર કેમ ડાન્સ કરવા લાગ્યા અને તેની પાછળનું કારણ શું હશે? પરંપરાગત નૃત્ય પ્રદર્શન આ મહિને 16મી ડિસેમ્બરના રોજ ‘કાશી તમિલ સંગમમ’માં હાજરી આપનારા યાત્રીઓના સ્વાગતનો એક ભાગ હતો. જેણે પણ આ દ્રશ્ય જોયું તે બધા આશ્ચર્યચકિત થઈ ગયા.

રેલવે મંત્રાલયે ટ્વિટર પર વીડિયો શેર કર્યો છે
ટ્વિટર પર વીડિયો શેર કરતા રેલવે મંત્રાલયે લખ્યું, ‘બે સંસ્કૃતિની બેઠક! ‘કાશી તમિલ સંગમ’માં ભાગ લેવા જઈ રહેલા ચેન્નાઈ-ગયા એક્સપ્રેસ (ટ્રેન નંબર 12390)ના મુસાફરોનું જબલપુર સ્ટેશન પર ઉષ્માભર્યું સ્વાગત કરવામાં આવ્યું, જ્યાં મહિલા પ્રતિનિધિઓએ પરંપરાગત નૃત્ય દ્વારા તેમની સંસ્કૃતિની ઝલક બતાવી. 14 ડિસેમ્બરે પોસ્ટ કરવામાં આવેલો આ વીડિયો ટ્વિટર પર 13,000થી વધુ વખત જોવામાં આવ્યો છે. આ વીડિયો પર ઘણા લોકોએ પ્રતિક્રિયા આપી હતી.જ્યારે કેટલાક લોકોએ સવાલ કર્યો હતો કે શા માટે સાર્વજનિક સ્થળે ધાર્મિક પ્રવૃત્તિ થઈ રહી છે. અન્ય એક યુઝરે કહ્યું કે તે આ ડાન્સ જોઈને ખૂબ જ ખુશ છે.

આ વીડિયો પર લોકોએ પોતાની પ્રતિક્રિયાઓ આપી હતી
ત્રીજા યૂઝરે વાયરલ વીડિયો પર લખ્યું, ‘ભારતીય રેલ્વેમાં કોઈ ધાર્મિક ગતિવિધિઓને મંજૂરી ન આપવી જોઈએ, ભારતીય રેલ્વે એક ધર્મનિરપેક્ષ સંસ્થા છે.’ અન્ય એક યુઝરે લખ્યું, ‘પણ આ ધાર્મિક પ્રવૃત્તિ સાર્વજનિક સ્થળે શા માટે?’ ‘કાશી તમિલ સંગમમ’ એ ભારત સરકારની એક પહેલ છે, જેનો ઉદ્દેશ્ય કાશી અને તમિલનાડુ વચ્ચેના ઊંડા શૈક્ષણિક, આર્થિક, સામાજિક અને સાંસ્કૃતિક સંબંધોને પ્રકાશમાં લાવવાનો છે. સંગમ 16 નવેમ્બર 2022 ના રોજ શરૂ થયો હતો અને 16 ડિસેમ્બર 2022 ના રોજ સમાપ્ત થશે.

Scroll to Top