બોલિવૂડની સુંદર અભિનેત્રી અને વિશ્વ સુંદરી ઐશ્વર્યા રાય બચ્ચન બોલિવૂડથી લઈને હોલીવુડ સુધી પોતાની ઓળખ બનાવવામાં સફળ રહી છે. આખી દુનિયામાં તેના ચાહકોની કોઈ કમી નથી અને આ સુંદર મહિલા સુંદરતાની મૂર્તિ હોય. ચાહકોની સાથે સાથે કોઈ સમયે ઐશ્વર્યા બોલિવૂડ કલાકારોના દિલ પર પણ રાજ કરતી હતી. સુંદરતાના કારણે ફિલ્મો કરતાં વધુ તે પોતાના અંગત જીવનને કારણે સમાચારોમાં હતી. તેનું નામ બોલિવૂડના ઘણા પ્રખ્યાત કલાકારો સાથે જોડવામાં આવ્યું છે, પરંતુ એક સમયે સલમાન ખાન સાથે રિલેશનશિપમાં રહેલી ઐશ્વર્યા વિવેક ઓબેરોયના પ્રેમમાં હતી.
ઐશ્વર્યા અને વિવેક એક સમયે પ્રેમમાં પાગલ હતા
બધા જાણે છે કે સલમાન ખાન તેના ગુસ્સાને કારણે ચાહકોમાં ખૂબ જ ફેમસ છે, પરંતુ આ જ કારણ છે કે કોઈ સમયે અભિનેતાના પ્રેમમાં પાગલ બનેલી ઐશ્વર્યા તેનાથી દૂર થઈ ગઈ હતી. સલમાન સાથેના બ્રેકઅપ પછી ઐશ્વર્યાને તેનો નવો પ્રેમ વિવેક ઓબેરોયમાં મળ્યો. ફિલ્મ ‘ક્યૂં હો ગયા ના’ના સેટ પર થયેલી મુલાકાત ગાઢ મિત્રતામાં બદલાઈ ગઈ. થોડા સમય પછી ફિલ્મ કોરિડોરમાં તેમના અફેરના સમાચારો ફેલાવા લાગ્યા. અહેવાલો અનુસાર, બંને એકબીજાના ખૂબ જ પ્રેમમાં હતા પરંતુ અભિનેતાની એક ભૂલે તેમને હંમેશા માટે અલગ કરી દીધા.
હોટલમાં વિવેકે ભૂલ કરી અને પ્રેમી પંખીડા કાયમ માટે અલગ થઈ ગયા
ખરેખરમા વિવેક ઐશ્વર્યા માટે ખૂબ જ ગંભીર હતો અને તેનું ખૂબ ધ્યાન રાખતો હતો. ઐશ્વર્યાના પ્રેમમાં પડેલા વિવેકે સલમાનથી કંટાળીને હોટલના રૂમમાં પ્રેસ કોન્ફરન્સનું આયોજન કર્યું અને કહ્યું કે, સલમાન ખાને તેને ફોન પર જાનથી મારી નાખવાની ધમકી આપી છે. ત્યાં જ આ નિવેદન પછી ઐશ્વર્યા આખા મામલામાંથી દૂર થઈ ગઈ હતી પરંતુ વિવેક બધાના નિશાના પર આવી ગયો હતો. આ ઘટના પછી ઐશ્વર્યાએ ક્યારેય વિવેક તરફ પાછું વળીને જોયું નથી.
આખરે અભિષેક બચ્ચનમાં સાચો પ્રેમ મળ્યો
બાદમાં વિવેક સાથેના બ્રેકઅપ બાદ ઐશ્વર્યાએ અભિષેક બચ્ચનને ડેટ કરવાનું શરૂ કર્યું. અફેરના થોડા દિવસો બાદ અભિષેકે ઐશ્વર્યા રાયને લગ્ન માટે પ્રપોઝ કર્યું હતું. જે બાદ બંનેએ પરિવારની સહમતિથી 20 એપ્રિલ 2007થી શાનદાર રીતે લગ્ન કર્યા હતા. હાલમાં, આ દંપતી લગ્ન જીવનનો આનંદ માણી રહ્યું છે અને તેમને એક પુત્રી પણ છે.