ગુજરાતના મુખ્યમંત્રી પદથી વિજય રૂપાણી દ્વારા રાજીનામુ આપી દેવામાં આવ્યું છે. પાંચ વર્ષ એક મહિના અને ચાર દિવસ સુધી સત્તાના સૂત્રો સંભાળ્યા બાદ મુખ્યમંત્રી વિજય રૂપાણી દ્વારા રાજ્યપાલને મળીને રાજીનામુ આપવામાં આવ્યું હતું. વિજય રૂપાણી દ્વારા 7 ઓગસ્ટ 2016 માં સત્તા સંભાળી હતી. તેમણે જણાવ્યું છે કે, હું રાજીખુશીથી રાજીનામુ આપી રહ્યો છે.
જ્યારે આજે અમદાવાદ શહેરના એસ.જી. હાઇવે પરના વૈષ્ણોદેવી મંદિર પાસે આવેલા સરદારધામ ભવનના લોકાર્પણના કાર્યક્રમ બાદ તુરત જ મુખ્યમંત્રી વિજયભાઇ રૂપાણી દ્વારા રાજીનામું આપવામાં આવ્યું હતું. તેની સાથે હવે મુખ્યમંત્રી કોણ તેની ચર્ચાઓ શરૂ થઇ ગઈ છે. જેમાં પ્રફુલ્લ પટેલ, ગોરધન ઝડફિયા તથા નીતિન પટેલ, સી.આર. પાટીલ તેમ જ મનસુખ માંડવિયા, પુરષોત્તમ રૂપાલાના નામો સ્પર્ધામાં હોવાનુ ચર્ચામાં આવી રહ્યું છે. પરંતુ મનસુખ માંડવિયા તથા પુરષોત્તમ રૂપાલાને તાજેતરમાં જ કેન્દ્રીય કેબિનેટમાં સ્થાન અપાયું છે.
મુખ્યમંત્રી પદથી વિજય રૂપાણીને હટાવવાનો નિર્ણય એકાએક લેવામાં આવ્યો હોવાનું માનવામાં આવે તેવું જોવા મળ્યું નથી. હ્તારે ઉપરથી હજુ સંભવિત ત્રીજી લહેરની શક્યતાઓ દેશ પર મંડળાઇ રહી છે એટલે તેમને કેન્દ્રીય આરોગ્યમંત્રી પદેથી હટાવીને મુખ્યમંત્રી પદે બેસાડવામાં આવે તેવી શક્યતાઓ નહીવત જોવા મળી રહી છે.
આવું જ પુરષોત્તમ રૂપાલાનું પણ રહેલ છે તેમને પણ તાજેતરમાં જ કેન્દ્રીય મંત્રી તરીકે નિમણૂંકતા કરવામાં આવી છે ત્યારે તેમને પણ ત્યાંથી ખસેડવામાં આવે તેવું દેખાઈ રહ્યું નહોતું. જેના કારણે નીતિનભાઇ પટેલ, ગોરધન ઝડફિયા, પ્રફુલ્લ પટેલ, સી.આર. પાટીલના નામો ચર્ચામાં રહેલા છે.
ભાજપ પ્રદેશના પ્રમુખ પદથી આજથી થોડા સમય પહેલાં જ નિમણૂંકતા પામેલા સી.આર. પાટીલે સરકારની સાથોસાથ સંગઠન ચલાવવામાં આવ્યું હતું. તેમ છતાં મુખ્યમંત્રી પદેથી વિજય રૂપાણીને હટાવવા પાછળ પાટીદારોના અસંતોષને ગણવામાં આવે તો સી.આર. પાટીલને મૂકવાનું જોખમ ભાજપ લે તેમ દેખાતું નથી. પરિણામમાં ત્રણ પાટીદાર નેતાઓ પ્રફુલ્લ પટેલ, નીતિન પટેલ તથા ગોરધન ઝડફિયાના નામો બાકી રહેલા છે. નીતિન પટેલ હાલ નાયબ મુખ્યમંત્રી પદથી ચાલુ છે ત્યારે તેમને જ મુખ્યમંત્રી પદે બેસાડવા આવે તેવું રાજકીય વિશ્લેષકોને લાગી રહેલું છે.
તેની સાથે ગોરધન ઝડફીયા તથા પ્રફુલ્લ પટેલના નામો પણ પસંદગીનો કળશ ઢોળવામાં આવે તેવી શક્યતાઓ વધુ દેખાઈ રહી છે. તેમની નિમણૂંકતા પાટીદારોમાં ફાટી નીકળેલો રોષ ઠંડો પાડી શકાય છે. જ્યારે સાથેસાથે ગોરધન ઝડફીયા તથા પ્રફુલ્લ પટેલ અગાઉ મંત્રી પદે રહી ચુકેલા છે.
વહીવટી કામગીરીની સારી કુશળતા ધરાવે છે. ત્યારે આ બંને નેતાઓમાંથી કોઇને મુખ્યમંત્રી પદે બેસાડવામાં આવે તેવી શક્યતાઓ પ્રબળ રહેલી છે. તેમાંય ગોરધનભાઇએ જે તે વખતે ભાજપ સામે જંગ છેડીને ગુજરાત પરિવર્તન પાર્ટી શરૂ કરાઈ હતી. ત્યારે નરેન્દ્ર મોદી વિરુધ્ધ ઝેર ઓકવામાં આવ્યું હતું. તેમ છતાં ગોરધનભાઇની ભાજપના સંગઠનમાં પુન: નિયુક્તિ થવાની ઘટનાથી ભૂતકાળ ભૂલાઇ ગયા હોવાનું જોવા મળ્યું હતું.
વાસ્તવમાં મુખ્યમંત્રી પદ પર બેસાડતાં પહેલાં તમામ પાસાંઓથી માંડીને અનેક બાબતો મહત્વનું મહત્વ રહેલ છે. જેના લીધે ગોરધનભાઇ માટે પણ કપરા ચઢાણ ચડવા જેવું સાબિત થાય તો નવાઇ રહેલ નથી. જયારે પ્રફુલ્લ પટેલ હાલ વડાપ્રધાન નરેન્દ્ર મોદીની ગુડ બુકમાં હોવાની સાથોસાથ તેઓ કોઇ ચર્ચાસ્પદ રહ્યાં ના હોવાથી તેમના નામ પર પસંદગીનો કળશ ઢોળવામાં આવે તેવી શક્યતાઓ જોવા મળી રહી છે. બાકી તો ભાજપ સરપ્રાઇઝ આપવા માટે રહેલ છે. જેથી આવતીકાલના યોજાનારી ધારાસભ્યોની મીટીંગ બાદ કોના પર પસંદગીનો કળશ ઢોળવામાં આવે છે તે જોવાનું રહેશે.
ભારતીય જનતા પાર્ટીએ ધારાસભ્ય દળની બેઠક પણ બોલાવી છે. આવતીકાલના ભાજપની ધારાસભ્ય દળની બેઠક મળવાની છે. તમામ ધારાસભ્યોને હાજર રહેવા માટે સૂચના અપાઈ છે. કાલે ગુજરાતના નવા મુખ્યમંત્રીનું નામ જાહેર થશે.