થોડી જ સેકન્ડમાં હાથીએ મૂળીયામાંથી ઉખાડી નાંખ્યુ ઝાડઃ વાયરલ વિડીયો જોઈને લોકો ચોંકી ગયા

By /

હાથી ભલે જંગલના સૌથી સુંદર જાનવરોમાં ગણાતો હોય પરંતુ તેની તાકાત તેને અન્ય જાનવરોથી અલગ બનાવે છે. જ્યારે હાથીઓને ગુસ્સો આવે છે ત્યારે તે આખુ જંગલ વેર-વીખેર કરી નાંખે છે. આપણે સોશિયલ મીડિયા પર એવા કેટલાય વિડીયો જોયા છે કે જેમાં હાથીઓની તાકાતને જોઈ શકાય છે. અત્યારે સોશિયલ મીડિયા પર આવો જ એક વિડીયો શેર કરવામાં આવ્યો છે. આ વિડીયોને જોઈને અંદાજ આવી જશે કે આખરે હાથી કેટલો બળવાન હોય છે.

સોશિયલ મીડિયા પર જે વિડીયો લોકોનું ધ્યાન ખેંચી રહ્યો છે તેમાં હાથી પોતાની ભૂખ મીટાવવા માટે એક ઝાડને તેના મૂળીયામાંથી જ ઉખાડી ફેંકે છે. પહેલા હાથી પોતાની સૂંઢની મદદથી તેને પકડે છે અને પછી પૂરી તાકાતથી આગળ-પાછળ ધકેલવા લાગે છે. થોડા જ સમયમાં ઝાડ રોડ પર પડી જાય છે. બાદમાં તે પોતાની મનગમતી ડાળીઓ ખાવા  લાગે છે. સોશિયલ મીડિયા પર આ વિડીયો અત્યારે લોકો ખૂબ જ પસંદ કરી રહ્યા છે.

આ વિડીયોને ટ્વીટર યુઝરે શેર કર્યો છે. આ સાથે જ વિડીયોના કેપ્શનમાં તેમણે લખ્યું કે, હવે ખેલ ખતમ. આ વિડીયોને અત્યારસુધીમાં હજારો લોકોએ જોયો છે. આ સાથે જ આ વિડીયોને લોકો અલગ-અલગ  પ્લેટફોર્મ પર શેર પણ કરી રહ્યા છે. જો કે, હજી એ જાણકારી નથી મળઈ કે વિડીયો ક્યાંનો છે. પરંતુ વિડીયો જોઈને લોકોએ એક વાત તો માની લીધી કે જંગલનો રાજા ભલે સિંહ હોય પરંતુ સૌથી શક્તિશાળી જાનવર તો હાથી જ છે.

Scroll to Top