જબલપુર કોંગ્રેસના ધારાસભ્ય સંજય યાદવ પર દુઃખનો પહાડ તૂટી પડ્યો છે. કેમકે તેમના દીકરા વિભુ યાદવે આત્મહત્યા કરી લીધી છે. જેમાં જાણવા મળ્યું છે કે, તેણે પોતાના ઘરે લાયસન્સવાળી પિસ્તોલથી પોતાને ગોળી મારી દીધી હતી. વિભુની ઉમર 16 વર્ષ હોવાનું જાણવા મળ્યું છે.
આત્મહત્યાના સાચા કારણ વિશે હજુ સુધી જાણવા મળ્યું નથી. જ્યારે ઘટનાસ્થળેથી 4 પાનાની એક સુસાઇડ નોટ મળી આવી છે. જેમાં તેણે લખ્યું હતું કે, મારા મમ્મી-પાપા અને ભાઇ બધા સારા છે. મને તેમનાથી કોઇ ફરિયાદ નહોતી પરંતુ હું હવે મારા મિત્રની પાસે જઈ રહ્યો છે.
જબલપુરમાં બરગીના ધારાસભ્ય સંજય યાદવના દીકરા વિભુએ ઘરમાં રહેલી લાયસન્સવાળી પિસ્તોલથી જ આત્મહત્યા કરી હતી. ગોળી તેના માથામાં વાગી ગઈ હતી. ગોળીનો અવાજ સાંભળીને પરિવારના લોકો તરત જ દોડી આવ્યા હતા પરંતુ ત્યારે વિભુ લોહીથી લથપથ હાલતમાં હતો. તેને હોસ્પિટલ લઇ જવામાં આવ્યો હતો પરંતુ ત્યાં સુધી તેનું મોત થઈ ગયું હતું. આ દુર્ઘટના ધારાસભ્યના હાથીતાલ વાળા ઘરમાં બની હતી.
સૂત્રો મુજબ જાણવા મળ્યું છે કે, વિભુ દ્વારા ચાર પાનાની સુસાઇડ નોટ લખવામાં આવી છે. જેમાં ઘણી વાતો લખવામાં આવી છે. વિભુએ લખ્યું છે કે, મારા મમ્મી-પાપા અને ભાઇ બધા સારા છે. મને તેમનાથી કોઇ ફરિયાદ નહોતી. હું હવે પોતાના મિત્ર પાસે જ જઈ રહ્યો છું. તેણે આ દરમિયાન પોતાના પાંચ મિત્રોને પણ મેસેજ કર્યો હતો. જેમાં જણાવ્યું છે કે, તમે બધા ઘણા સારા છો, તમારી સંભાળ રાખજો. હું હવે જઇ રહ્યો છું. વિભુ સાઇકોલોજીમાં અભ્યાસ કરી રહ્યો હતો અને આગળના અભ્યાસ માટે તે વિદેશ જવા ઈચ્છી રહ્યો હતો.
જ્યારે સુસાઇડના સમાચાર પ્રાપ્ત થતા જ FSL ની ટીમ ધારાસભ્ય સંજય યાદવના ઘરે પહોંચી આવી હતી. સુસાઇડના કારણો જાણવા માટે તપાસ હાથ ધરવામાં આવી છે. વરિષ્ઠ પોલીસ અધિકારી પણ ઘટના સ્થળે પહોંચી આવ્યા હતા. પોલીસના મતે એક ગોળી વિભુના માથામાં લાગી ગઈ છે. બાકી પોસ્ટમોર્ટમ રિપોર્ટ આવ્યા બાદ સાચી માહિતી સામે આવશે.