પતિ પત્નીના અણબનાવ, ઝઘડાં, ‘પતિ પત્ની ઓર વો’ ના આપણે અનેક કિસ્સાઓ સાંભળ્યા હશે. ત્યારે આવો જ એક વધુ કિસ્સો સામે આવ્યો છે, જેને જાણીને તમે પણ આશ્ચર્યચકિત થઇ જશો. ત્યારે આજે મધ્યપ્રદેશના ભીંડમાંથી એક રસપ્રદ કિસ્સો સામે આવ્યો છે. જ્યાં એક વ્યક્તિ પોલીસ સ્ટેશન પહોંચ્યો અને પોતાની પત્ની પાછી મેળવવાની માંગ કરવા લાગ્યો. પત્નીએ છૂટાછેડા લીધા વગર બીજા લગ્ન કરી લીધાં અને પહેલા પતિ પાસેથી દર મહિને ખર્ચો લેતી રહી. પછી તે બીજા પતિ સાથે રહેવા લાગી. મહિલાનું કહેવું છે કે તેને તેનો પહેલો પતિ પસંદ નથી તેથી તેને બીજા લગ્ન કરી લીધાં.
છૂટાછેડા લીધા વગર મહિલાએ કર્યા બીજા લગ્ન
વાસ્તવમાં આ આખો મામલો ભીંડના મેહગાંવ વિસ્તારનો છે. મેહગાંવના રહેવાસી ધર્મેન્દ્ર જાટવના લગ્ન ચાર વર્ષ પહેલા 4 માર્ચ 2017ના રોજ રાખી નામની મહિલા સાથે થયા હતા. લગ્નના થોડા મહિનાઓ પછી, રાખી અને ધર્મેન્દ્ર જાટવ છૂટાછેડા લીધા વગર અલગ થઈ ગયા હતા. આ દરમિયાન ધર્મેન્દ્રએ તેની પત્નીને ભરણપોષણ આપતો રહ્યો હતો, પરંતુ અચાનક એક દિવસ ધર્મેન્દ્રને ખબર પડી કે તેની પત્નીએ બીજા લગ્ન કરી લીધા છે. આટલું જ નહીં તેની પત્ની તેના બીજા પતિથી ગર્ભવતી પણ થઇ ગઈ છે.
પહેલો પતિ તેની પત્નીને લાવવા પોલીસ સ્ટેશન પહોંચ્યો
આ અંગેની માહિતી મળતાં જ ધર્મેન્દ્ર સીધો ભિંડ ડીએસપી પૂનમ થાપા પાસે પહોંચી ગયો અને પત્નીને પાછી મેળવવા માટે આજીજી કરવા લાગ્યો. DSP પૂનમ થાપાએ ધર્મેન્દ્રની પત્ની અને તેના બીજા પતિને ફોન કર્યો હતો. રાખીએ તેના પહેલા પતિ ધર્મેન્દ્ર સાથે જવાની ના પાડી દીધી હતી. ત્યારે તેના બીજા પતિએ કહ્યું કે તેને તેની પત્નીના પહેલા લગ્ન વિશે કોઈ માહિતી નથી.
રાખીએ બીજા લગ્ન મંદિર ઉપરાંત કોર્ટમાં પણ કર્યા હતા. જયારે, તેનો પહેલો પતિ ધર્મેન્દ્ર કહે છે કે તે તેની પત્ની પાછી જોઈએ છે, તે તેને ભરણપોષણ પણ આપતો રહ્યો છે. પરંતુ તેને ખબર જ ન પડી કે ક્યારે તેને ફરીથી બીજા લગ્નકરી લીધા. ધર્મેન્દ્ર નું કહેવું છે કે જ્યારે છૂટાછેડા જ નથી થયા તો બીજા લગ્ન કેવી રીતે થઈ શકે છે. આ મામલે ડીએસપી પૂનમ થાપાનું કહેવું છે કે જે પણ કાયદાકીય કાર્યવાહી થઈ શકે છે તે કરવામાં આવશે.