કર્ણાટકઃ બીજેપી IT સેલે એલાનની 22 મિનિટ પહેલા જણાવી ચૂંટણીની તારીખ
ઇલેક્શન કમીશને કર્ણાટક વિધાનસભાની 224 સીટો માટે મંગળવારે તારીખોની જાહેરાત કરી. જોકે, રાજ્યમાં ભાજપની આઈટી સેલના હેડ અમિત માલવીયે પોતાના ટ્વિટર પર પહેલા જ જણાવી દીધું હતું કે આ તારીખે ચૂંટણી યોજાશે. દાવો સાચો સાબિત થતા કોંગ્રેસ વિરોધ વ્યક્ત કર્યો. કોંગ્રેસના પ્રવક્તા રણદીપ સુરજેવાલાએ ટ્વિટ કરીને ભાજપને સુપર ઇલેક્શન કમીશન કહ્યું.
1) વોટિંગની તારીખ સાચી નીકળી, મતગણતરીની તારીખ ખોટી
– અમિત માલવિયે પોતાના ટ્વિટમાં લખ્યું, કર્ણાટકમાં 12 મેના રોજ વોટિંગ થશે. 18 મેના રોજ પરિણામ આવશે.
– વોટિંગની તારીખ સાચી સાબિત થઈ પરંતુ પરિણામની તારીખ ખોટી. પરિણામ 15મેના રોજ જાહેર થશે.
2) હોબાળો થયો તો સ્પષ્ટતા કરી અને હટાવી દીધું ટ્વિટ
– મીડિયામાં અહેવાલો આવ્યા બાદ માલવીયે કહ્યું કે તેઓએ એક અંગ્રેજી ચેનલમાં જોઈને આ ટ્વિટ કર્યું હતું. ત્યારબાદ તેઓએ પોતાનું ટ્વિટ કટાવી લીધું.
3) ઇલેક્શન કમીશને કહ્યું- સખત કાર્યવાહી કરીશું
– ઇલેક્શન કમીશનની પ્રેસ કોન્ફરન્સ દરમિયાન મુખ્ય ઇલેક્શન કમિશ્નરને માલવીયના દાવાને લઈને પત્રકારોએ સવાલ કર્યા. તેની પર તેમણે કહ્યું કે તેની તપાસ કરવામાં આવશે. સખત કાર્યવાહી પણ કરવામાં આવશે.
