એક તરફ દેશમાં કોરોનાની બીજી લહેર કહેર મચાવી રહી છે અને બીજી તરફ, મેરેજ સિઝન તેવામાં લોકો આ મુંજવણમાં છે કે, મેરેજની તૈયારી કેવી રીતે કરવામાં આવે. દેશના કેટલાક રાજ્યોમાં સ્થિતિ એટલી ગંભીર છે કે ત્યાં લોકડાઉન લાગુ કરવામાં આવ્યું છે. પરંતુ કેટલીક જગ્યાઓ પર નિયમોનું પાલન કરવાની સાથે ફંક્શન કરી રહ્યા છે. જો તમારા ઘરમાં કોઈના મેરેજ છે અને તેવામાં તમને સમજમાં નથી આવી રહ્યું કે, કેવી રીતે વ્યવસ્થા કરી તો અમે તમને કેટલાક એવા સૂચનો આપીશું જેનાથી તમારી મુશ્કેલીઓ દૂર થઈ શકે છે.
જો તમારા શહેરમાં કોરોનાની સ્થિતિ વધારે ગંભીર છે તો ત્યાંનાં નિયમો સાથે લગ્ન સ્થળ પસંદ કરો. કોરોનાના પ્રકોપથી બચવા માટે તમે મેરેજ માટે કોઈ એવી જગ્યા પસંદ કરો જે ખુલ્લા એરિયામાં હોય જેવું કે ગાર્ડન, ઓપન એરિયા વગેરે પરંતુ ધ્યાન રાખો કે પહેલા આ જગ્યાને સારી રીતે સેનેટાઈઝ કરાવો.
કોરોના કાળમાં થનાર મેરેજમાં સૌથી મોટી સમસ્યા મહેમાનોની છે. તેમાં કોને બોલાવીએ અને કોને ના બોલાવીએ તે યજમાન માટે પડકારજનક કામ છે પરંતુ કોરોનાને ધ્યાનમાં રાખી તમે મેરેજમાં ફક્ત નજીકના મહેમાનોને સામેલ કરશો તો તે સારું રહેશે. બીજી તરફ, તમે એ પણ ધ્યાન રાખો કે, કોરોના સાથે જોડાયેલ ગાઈડલાઈન અનુસાર તમે કેટલા લોકોને ફંક્શનમાં સામેલ કરી શકો છો.
કોરોનાના વધતા પ્રકોપમાં સૌથી જરૂરી છે કે આપણું સ્વાસ્થ્ય સારું રહે પરંતુ મેરેજ ફંકશન હોય તો ખાવા-પીવાનું તો જોર-શોરથી હોય છે. પરંતુ આ વિશે થોડી સાવધાની રાખવી પડશે. મહેમાનો માટે ખાવા-પીવાની વ્યવસ્થા બહુ સાવધાનીથી કરવી પડશે. તમે સ્વચ્છતાની સાથે તેની વ્યવસ્થા કરાવો અને એવા લોકોને કેટરિંગની જવાબદારી સોંપો જે સ્વચ્છતાનું પૂરું ધ્યાન રાખે. તેવામાં તમે ઈચ્છો તો ઘરમાં થનાર નાના ફંક્શન માટે પેક્ડ ફૂડની વ્યવસ્થા પણ કરી શકો છો.
કોરોના કાળમાં થનાર મેરેજ પોતાનામાં એક ઇતિહાસ છે. આપણે મેરેજમાં લોકોને મીઠાઈ ખવડાવીને મોઢું મીઠું કરીએ છીએ પરંતુ આ સમયે તમારે મહેમાનોનું ખાસ ધ્યાન રાખવું પડશે. તેવામાં ફંક્શનમાં ખાવા-પીવાના કાઉન્ટર્સ ભલે ઓછા હોય પરંતુ સેનિટાઈઝરની ખાસ વ્યવસ્થા કરો. ઇવેંટ વેન્યુની એન્ટ્રી પર સેનિટાઈઝરની વ્યવસ્થા જરૂર કરો.