મે-જૂન મહિનો ગયો છતા જૂલાઈ મહિનામાં પણ ભીષણ ગરમી પડી રહી છે. ત્યારે આ ગરમીની સીઝનમાં લોકો શરીરને ઠંડક પહોંચાડવા માટે ઠંડુ પાણી અથવા કોલ્ડ ડ્રિંક્સ પીવા ઈચ્છે છે. જેથી શરીરને રાહત મળે. કેટલીય વાર આપણે ઠંડા પીણા સાથે લઈને ચાલીએ છીએ. જ્યારે પાણી ન હોય તો આપણે તેને ગમે ત્યાંથી શોધી લાવીએ છીએ. કેટલાક લોકો એવા પણ છે કે, જે પોતાના દેશી જુગાડથી કેટલાય કામો કરી લે છે.
View this post on Instagram
સોશિયલ મીડિયા પર આવો જ એક વિડીયો વાયરલ થઈ રહ્યો છે જેમાં એક વ્યક્તિએ દેશી જુગાડ બનાવીને લાકડાની દિવાલ વચ્ચે એક નાનકડુ ફ્રીજ તૈયાર કર્યું છે. આ નાનકડા ફ્રીજની અંદર ઠંડુ પાણી અને કોલ્ડ ડ્રીંક્સ રાખી શકાય છે. ગરમીની સીઝનમાં ઠંડા પાણીની દરેકને જરૂર હોય છે પરંતુ આવું ફ્રીજ માત્ર જુગાડથી જ મળી શકે છે. અનેક લાકડા વચ્ચે બનાવવામાં આવેલું આ ફ્રીજ લોકોને ખૂબ પસંદ આવી રહ્યું છે.
દેશી જુગાડથી બનાવવામાં આવેલું આ ફ્રીજ કોઈ સરળતાથી ન શોધી શકે. આ વ્યક્તિએ એવી બુદ્ધી લગાવી કે કોઈપણ વ્યક્તિ વિચારી પણ ન શકે કે લાકડા વચ્ચે આવું શાનદાર ફ્રીજ પણ હોઈ શકે. ઈન્સ્ટાગ્રામ પર ગોહિલ હાર્પરે આ વિડીયોને શેર કર્યો છે. અત્યારસુધીમાં આ વિડીયોને 7 લાખથી વધારે લાઈક્સ મળી ચૂકી છે. લોકો પણ આ વિડીયો પર જોરદાર રિએક્શન આપી રહ્યા છે.