વરસાદની સીઝનમાં બહાર ફરવું તો સારુ લાગે છે પરંતુ તમે જ્યારે બાઈક પર ફરવા જઈ રહ્યા હોય તો આપ પલળી જ જાવ તેમાં કોઈ શંકા નથી. તમે ભલે પછી રેઈન કોટ પહેર્યો હોય પરંતુ ટુ-વ્હીલર પર જતા હોય તો પલળી જ જવાય.
પરંતુ ક્યારેક આપણા દેશી જુગાડ બહુ જ કામ આવી જાય છે કે જે આપને પલળતા બચાવે છે. આવો જ એક વિડીયો સોશિયલ મીડિયા પર તેજીથી વાયરલ થઈ રહ્યો છે. આ વિડીયોમાં જેસીબી વાળાએ રોડ પર ઉભેલા બાઈક સવારને તેજ વરસાદથી એવી રીતે બચાવ્યો કે લોકો ગાડી ઉભી રાખીને વિડીયો બનાવવા લાગ્યા.
Be kind whenever possible. It is always possible.#Wednesdayvibe pic.twitter.com/8Xl3rO1jK3
— Awanish Sharan (@AwanishSharan) June 23, 2021
આ વિડીયોને આઈએએસ અવનીશ શરણે પોતાના ટ્વીટર હેન્ડલ પર શેર કર્યો છે. વિડીયોને શેર કરતા તેમણે કેપ્શનમાં લખ્યું કે જ્યારે શક્ય હોય ત્યારે દયાળુ રહો. આ દરેક વખતે શક્ય છે. આજે શેર કરવામાં આવેલા આ વિડીયોને અત્યારસુધીમાં કુલ 13,000 થી વધારે લોકો જોઈ ચૂક્યા છે અને 200 થી વધારે લોકોએ આ વિડીયો ટ્વીટ કર્યો છે.