ભારતમાં લોન્ચ થયું વધુ એક દમદાર ઈ સ્કૂટર, જાણો ફીચર્સ અને કિંમત

પ્રખ્યાત ઇલેક્ટ્રિક ટુ-વ્હીલર કંપની એમ્પીયર ઇલેક્ટ્રિક (Ampere Electric) એ ભારતીય બજારમાં તેનું નવું ઇલેક્ટ્રિક સ્કૂટર એમ્પીયર મેગ્નસ એક્સ (Ampere Magnus EX) રજૂ કર્યું છે. સ્કૂટરની કિંમત 68,999 રૂપિયા (એક્સ-શોરૂમ, પુણે) નક્કી કરવામાં આવી છે. આમાં, લાંબી રેન્જ સાથે ઘણી નવી અને સારી સુવિધાઓ આપવામાં આવી છે. કંપનીનો દાવો છે કે આ ઇલેક્ટ્રિક સ્કૂટરની 121 કિમી સુધીની રેન્જ (ARAI ટેસ્ટેડ) સાથે આવે છે. તેની સ્પર્ધા Ola S1 જેવા ઇલેક્ટ્રિક સ્કૂટર સાથે રહેશે.

10 સેકન્ડમાં 40kmph ની ઝડપ

એમ્પીયર મેગ્નસ એક્સ (Magnus EX) સ્કૂટરમાં હલકો અને પોર્ટેબલ લિથિયમ બેટરી આપવામાં આવી છે. કંપનીનો દાવો છે કે તેની અલગ પાડી શકાય તેવી બેટરી (ડીટેચેબલ બેટરી) સેટઅપ ઘર, ઓફિસ, કોફી શોપ અથવા કોઈપણ પ્લગ-ઓન-ધ-વૉલ ચાર્જ પોઇન્ટ પર કોઈપણ 5-amp સોકેટ દ્વારા સરળતાથી ચાર્જ કરી શકાય છે. સ્કૂટરમાં 1200 વોટની મોટર આપવામાં આવી છે. સ્કૂટર 10 સેકન્ડમાં 0 થી 40 કિમી પ્રતિ કલાકની ઝડપ પકડી લે છે. તેમાં બે રાઇડિંગ મોડ્સ- સુપર સેવર ઇકો મોડ અને પેપીયર પાવર મોડમાં મળે છે.

નવા સ્કૂટરની ખાસ વિશેષતાઓની વાત કરીએ તો તેમાં એલઇડી હેડલાઇટ, 450 મિમીની મોટી લેગરૂમ સ્પેસ, કી-લેસ એન્ટ્રી, વ્હીકલ ફાઇન્ડર, એન્ટિહેફ્ટ એલાર્મ, દૂર કરવામાં સરળ બેટરી આપવામાં આવી છે. તેમાં વધુ સારી ડ્રાઇવિંગ આરામ માટે ડિઝાઇન કરવામાં આવેલ પહોળી સીટ મળે છે. નવું ઇલેક્ટ્રિક સ્કૂટર ત્રણ રંગ વિકલ્પોમાં આપવામાં આવેલ છે જેમાં – મૈટેલિક રેડ, ગ્રેફાઇટ બ્લેક અને ગેલેક્ટીક ગ્રે માં આવે છે. કંપનીએ કહ્યું કે વિવિધ રાજ્ય સરકારોની ઈ-વાહન પ્રોત્સાહન પૉલિસી હેઠળ કંપનીનું આ ઈ-સ્કૂટર લોકોને વધુ આકર્ષક કિંમતે મળશે.

મેગ્નસ એક્સ (Magnus EX) સ્કૂટર 53 કિલોમીટર પ્રતિ કલાકની ટોપ સ્પીડ સાથે આવે છે. તેમાં ARAI સર્ટિફાઇટ 121 કિલોમીટર સુધીની રેન્જ મળે છે. એમ્પીયરે (Ampere) જણાવ્યું હતું કે શહેરની અંદર યાત્રા કરનાર યાત્રી નવા મેગ્નસ EX (Magnus EX) ને એકવાર ચાર્જ કરવા પર ત્રણ દિવસ સુધી ચલાવી શકે છે. કંપનીએ કહ્યું કે મેગ્નસ EX (Magnus EX) ની સાથે, ગ્રાહકોને વધારાની પાવર પરફોર્મન્સ (કામગીરી) સાથે વધારાની બચત પણ મળશે.