Luxury Apartments: બોલીવુડ મહાનાયક અમિતાભ બચ્ચનના ફિલ્મ સ્ટાર દીકરા અભિષેક બચ્ચને મુંબઈમાં મોટી એપાર્ટમેન્ટ ડીલ કરી છે. તેણે એક સાથે 6 લક્ઝૂરી અપાર્ટમેન્ટ ખરીદ્યા છે. મુંબઈના પોશ વિસ્તાર બોરીવલીમાં આવેલા આ તમામ એપાર્ટમેન્ટ અભિષેક બચ્ચને 15.42 કરોડમાં ખરીદ્યા છે. અભિષેક બચ્ચને આ એપાર્ટમેન્ટ ઓબરોય સ્કાઈ સિટીમાં ખરીદ્યા છે.
અપાર્ટમેન્ટ માટે 31498 રૂપિયા પ્રતિ સ્કેવર ફુટની કિંમત ચુકવી
જૈપકી શો દ્વારા પ્રાપ્ત કરવામાં આવેલા દસ્તાવેજ અનુસાર, આ 6 એપાર્ટમેન્ટ 4894 સ્કેવર ફુટમાં ફેલાયેલા છે. અભિષેક બચ્ચને આ એપાર્ટમેન્ટ માટે 31498 રૂપિયા પ્રતિ સ્ક્વેર ફુટ કિંમત ચુકવી છે. દસ્તાવેજ અનુસાર, એસ એગ્રીમેન્ટ પર 5 મે 2024ના રોજ સાઈન થયેલી હતી. પહેલો એપાર્ટમેન્ટ 1101 સ્કેવર ફુટમાં ફેલાયેલ છે. તેની કિંમત 3.42 કરોડ રૂપિયા. બીજો અને ત્રીજો એપાર્ટમેન્ટ 252 સ્કેવર ફુટ છે. આ બંને માટે અભિષેકે 79-79 લાખ રૂપિયા આપ્યા છે. ચોથો એપાર્ટમેન્ટ 1101 સ્કેવર ફુટનો છે. તેની કિંમત 3.52 કરોડ રૂપિયા છે. પાંચમો એપાર્ટમેન્ટ 1094 સ્કેવર ફુટમાં ફેલાયેલ છે અને તેની કિંમત 3.39 કરોડ રૂપિયા છે. 6ઠ્ઠો એપાર્ટમેન્ટની કિંમત 3.39 કરોડ છે.
ઓબરોય સ્કાઈ સિટી બોરીવલી ઈસ્ટમાં લગભગ 25 એકર એરિયામાં ફેલાયેલ છે અહીં 8 લક્ઝૂરી રેઝીડેંશિયલ ટાવર અને સ્કાઈ સિટી મોલ પણ આવેલા છે. ઓબરોય રિયલ્ટીના ચેરમેન અને એમડી વિકાસ ઓબરોયે જણાવ્યું હતું કે, તેમની કંપની મેરિયટ ઈન્ટરનેશનલ સાથે એગ્નીમેન્ટ કર્યું છે. જે અંતર્ગત મેરિયટ ગ્રુપ સ્કાઈ સિટીમાં બે હોટલ બનાવવા જઈ રહ્યા છે. આ બંને હોટલ 2027-28 સુધીમાં બનીને તૈયાર થઈ જશે.